Hamielčuka nakiravali na prymusovaje lačeńnie z-za «paklopu» na Łukašenku
Sud Centralnaha rajona Homiela nakiravaŭ na prymusovaje lačeńnie ŭ psichijatryčny stacyjanar Valeryja Jarockaha, jakoha abvinavačvali ŭ paklopie (art. 188 KK) i paklopie na Alaksandra Łukašenku (č. 2 art. 367 KK). Pastanovu pryniaŭ sudździa Viktar Kazačak jašče 19 lipienia, adnak padrabiaznaści spravy stali viadomyja pravaabaroncam tolki zaraz.
Valeryj Jarocki — uradženiec Žłobina, nieadnarazova źjaŭlaŭsia naziralnikam na vybarach ad BCHK.
Pa materyjałach spravy, Jarocki adpraviŭ u KDB, MUS, prakuraturu i Centralnuju kamisiju pa vybarach i refierendumach rukapisnyja i elektronnyja listy, u jakich abvinavaciŭ Łukašenku ŭ ciažkich złačynstvach.
Padobnyja listy jon padrychtavaŭ i ŭ dačynieńni da adnaho z prakuroraŭ Homielskaj vobłaści. Što mienavita było ŭ tekstach zvarotaŭ, nie ŭdakładniajecca.
Sud pryznaŭ, što Jarocki maje psichičny razład, i nakiravaŭ jaho na prymusovaje lačeńnie, zabaraniŭšy pakidać krainu.
Da taho ž, Valeryja Jarockaha ŭnieśli ŭ «Śpis asob, datyčnych da ekstremisckaj dziejnaści».