Novy ministr zamiežnych spraŭ Polščy adkazaŭ na vinšavańnie Łatuški: «Žyvie Biełaruś!»
Novy ministr zamiežnych spraŭ Polščy Radasłaŭ Sikorski adkazaŭ u sacsietcy Ch na vinšavańnie Paŭła Łatuški ŭ suviazi z naznačeńniem na pasadu kiraŭnika źniešniepalityčnaha viedamstva Polščy.
«Dziakuj, spadar ministr, biełaruskija demakraty zaŭsiody buduć našymi bratami, jakich my adnojčy budziem vitać u siamji svabodnych jeŭrapiejskich narodaŭ. Žyvie Biełaruś!» — napisaŭ Sikorski.
U svaim vinšavańni na adras novaha ministra zamiežnych spraŭ Polščy kiraŭnik NAU Pavieł Łatuška adznačyŭ, što biełarusy spadziajucca na padtrymku Polščy ŭ baraćbie za svabodu i niezaležnaść.
«Pryznačeńnie ministram zamiežnych spraŭ Polščy Radasłava Sikorskaha daje nam upeŭnienaść u tym, što Polšča praciahnie prykładać aktyŭnyja namahańni pa padtrymcy demakratyčnych pamknieńniaŭ biełaruskaha naroda, padtrymlivać niezaležnaść i suvierenitet našaj krainy. Pierakanany, što novy ministr zamiežnych spraŭ Polščy hłyboka viedaje, što adbyvajecca ŭ našaj krainie. <…> Polšča źjaŭlajecca adnoj z najbujniejšych krain u Jeŭrapiejskim sajuzie i jaje ŭpłyŭ u ES moža być faktaram, jaki budzie šmat u čym vyznačać dalejšuju palityku ES u dačynieńni da dyktatarskaha režymu i padtrymki jeŭrapiejskaha vybaru biełarusaŭ», — napisaŭ Łatuška pra pryznačeńnie novaha ministra zamiežnych spraŭ Polščy.
Čytajcie taksama: