«Nievierahodna, što heta adbyvajecca tak blizka ad miažy NATA i ES». Polski prezident na samicie AAN zhadaŭ pra biełaruskich palitviaźniaŭ
Vystupajučy na samicie AAN z nahody 75-j hadaviny pryniaćcia Usieahulnaj dekłaracyi pravoŭ čałavieka, prezident Polščy Andžej Duda zakranuŭ situacyju ŭ Biełarusi i zaklikaŭ mižnarodnuju supolnaść supraćstajać niespraviadlivym palityčnym sudovym pracesam.
«Pavodle apošnich danych, siońnia tam kala 5 tysiač palitviaźniaŭ. Siarod palityčnych źniavolenych — palak pavodle pachodžańnia, hramadzianin Biełarusi, žurnalist, asudžany na 8 hadoŭ źniavoleńnia, Andžej Pačobut. U kancy listapada ŭ Biełarusi byli zatrymanyja dva polskija śviatary: Hienrych Akałatovič i Viačasłaŭ Pialinak», — zajaviŭ Duda.
Pry hetym polski prezident adznačyŭ, što jahonaja kraina vykarystoŭvaje ŭsie dypłamatyčnyja srodki dla vyzvaleńnia polskich hramadzian, jakija ŭtrymlivajucca ŭ Biełarusi.
«Na žal, jany absalutna nieefiektyŭnyja. Hetyja asoby, jak i mnohija inšyja, byli asudžanyja na padstavie łžyvych pakazańniaŭ, padčas insceniravanych sudoŭ, vyniki jakich viadomyja jašče da ich pačatku», — skazaŭ Duda. I padkreśliŭ:
«Mižnarodnaja supolnaść pavinna rašuča supraćstajać hetamu i asudzić takija haniebnyja dziejańni».
«Nievierahodna, što heta adbyvajecca tak blizka ad miažy NATA i ES, što kamiery katavańniaŭ usio jašče isnujuć u XXI stahodździ ŭ krainie, jakaja znachodzicca niepasredna za našymi miežami, i niama nijakaha kantaktu ź ludźmi, jakija siadziać u turmach, jak heta jość u spravie Andžeja Pačobuta. Navat samyja blizkija svajaki doŭhi čas nie mohuć źviazacca ź im, i na dadzieny momant my dakładna nie viedajem, jaki jaho los. Niekalki miesiacaŭ nie było suviazi, i siońnia my nie viedajem, žyvy jon ci miortvy. Spadziajemsia, spadziajemsia, što jon budzie vyzvaleny», — padkreśliŭ prezident Polščy.
Tusk staŭ premjeram na fonie achałodžańnia ŭ adnosinach z Ukrainaj. Voś što jon zajaviŭ nakont jaje dalejšaj padtrymki ŭ vajnie
Novy polski premjer Donald Tusk pradstaviŭ svoj budučy ŭrad
Cichanoŭskaja pavinšavała Tuska z abrańniem na pasadu premjera Polščy
Donalda Tuska abrali premjer-ministram Polščy
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2323
Kamientary
Vy nie hotovy, nie chotitie i nie možietie priniať novuju riealnosť i zaŝiŝať svoi ciennosti i vzhlady vsiemi, dostupnymi sposobami.
Von, Vieniesueła, v podbriušje SŠA diełajet s Hajanoj to, čto diełajet putin s Ukrainoj, na tierritorii britanskoho sodružiestva i vsie utiorliś.
Tak i tut, łukašienko postroił, dažie nie aziatskij riežim, a afrikanskij v samom urodlivom vidie v cientrie Jevropy, v podbriušje NATO i ES, a vy utiorliś i iŝietie puti viernuťsia v sovmiestnyj schiematoz, viernuťsia v 2019 hod.....