Samy pryhožy ŭ śviecie prync vyrašyŭ ažanicca
Stała viadoma, što syn sułtana Brunieja Chasanała Bałkijacha 32-hadovy prync Abduł Macin Bałkijach nieŭzabavie aženicca. Cyrymonija šlubu adnaho z samych zajzdrosnych žanichoŭ śvietu adbudziecca ŭžo 11 studzienia 2024 hoda.
Abrańnicaj prynca stała Aniša Rosna binci Adam — unučka śpiecyjalnaha daradcy sułtana Brunieja. Pra chutkuju ŭračystaść Abduł Macin raskazaŭ asabista ŭ instahramie, apublikavaŭšy i fota razam ź niaviestaj.
Prync Brunieja Abduł Macin — dziasiataje dzicia sułtana, jaki pry ŭładzie ŭ hetaj nievialikaj paŭdniova-ŭschodniaj azijackaj krainie ažno z 1967 hoda. Abduł Macin atrymaŭ vydatnuju adukacyju ŭ Karaleŭskim kaledžy Łondana i ŭ 2018 hodzie skončyŭ Škołu kiravańnia viertalotami. Prync źjaŭlajecca aktyŭnym vajskoŭcam i z 2010 hoda słužyć majoram Karaleŭskich VPS Brunieja.
U volny čas syn sułtana šmat padarožničaje, lubić sport i ŭ pryvatnaści poła, a taksama nie raz byŭ zaŭvažany za skačkami z parašutam u Dubai.
Abduła nie raz pryznavali samym pryhožym mužčynam siarod manarchaŭ. Jon byŭ adnym z zajzdrosnych i bahatych žanichoŭ u śviecie. Na jahonuju staronku padpisana kala 2,5 młn padpisčykaŭ, bolšuju častku jakich składajuć žančyny.
Čytajcie taksama:
Brytanskamu pryncu Łui ŭpieršyniu dazvolili nadzieć štany
Brytanski karol nadzieŭ halštuk sa ściaham Hrecyi paśla sprečki premjeraŭ