Brytanski karol nadzieŭ halštuk sa ściaham Hrecyi paśla sprečki premjeraŭ
Dypłamatyčny skandał pamiž Brytanijaj i Hrecyjaj znoŭ razhareŭsia z-za skulptur, vyviezienych u Łondan u XIX stahodździ; Afiny damahajucca ich viartańnia. Karł III nadzieŭ halštuk u hreckich kolerach. Siarod jaho prodkaŭ hreckija manarchi.
Brytanski karol Karł III źjaviŭsia na kanfierencyi AAN pa klimacie (COP28) u halštuku ŭ sinia-biełych kolerach i kryžam, jakija supadajuć z rasfarboŭkaj i simvolikaj ściaha Hrecyi. Incydent adbyŭsia praź niekalki dzion paśla eskałacyi dypłamatyčnaj sprečki pamiž dźviuma krainami, piša RBK.
U hetym halštuku manarch vystupiŭ z pramovaj na kanfierencyi, a taksama sustreŭsia z brytanskim premjeram Ryšy Sunakam — adnoj z hałoŭnych asob skandału.
«Halštuk, jaki siońnia byŭ na Jaho Vialikaści, prosta adzin ź jahonaj kalekcyi», — zapeŭniŭ pradstaŭnik Bukinhiemskaha pałaca.
Karol užo źjaŭlaŭsia ŭ hetym halštuku da eskałacyi skandału, u pryvatnaści, padčas vizitu delehacyi z Paŭdniovaj Karei na minułym tydni.
Skandał razhareŭsia ŭ kancy listapada. U hety dzień brytanski premjer Ryšy Sunak admianiŭ zapłanavanuju sustreču z hreckim premjeram Kiryjakasam Micatakisam i abvinavaciŭ jaho ŭ tym, što toj parušyŭ abiacańnie nie vykarystoŭvać svaju pajezdku ŭ Łondan jak mahčymaść zajavić pra nieabchodnaść viartańnia skulptur z Parfienona z Brytanskaha muzieja ŭ Hrecyju.
Antyčnyja skulptury stali pryčynaj novaha skandału pamiž Vialikabrytanijaj i Hrecyjaj
«Heta byli ŭžo nie šarahovyja apładysmienty, jakija hučać u padziaku kožnamu vystupoŭcu». Chto apładziravaŭ Łukašenku stojačy na klimatyčnym samicie?
Prezidenty Polščy, Litvy i Łatvii admovilisia fatahrafavacca ŭ Dubai z Łukašenkam
Ciapier čytajuć
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ11
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary