«Isłamskaja dziaržava» ŭziała na siabie adkaznaść za terakt u Iranie
Tak zvanaja «Isłamskaja dziaržava» ŭziała na siabie adkaznaść za vybuchi ŭ iranskim horadzie Kierman na paŭdniovym uschodzie krainy na mahile hienierała Kasiema Sulejmani, paviedamiła ahienctva «Al-Arabija» sa spasyłkaj na źviazanyja z terarystami telehram-kanały, dzie jany raźmiaścili svaju zajavu.
Fota: Morteza Nikoubazl/NurPhoto via Getty Images
U terakcie, jaki adbyŭsia 3 studzienia, pavodle ŭdakładnienych źviestak zahinuli 84 čałavieki. Pra toje, što za vybucham mahli stajać isłamskija terarysty, raniej kazali amierykanskija čynoŭniki, znajomyja z raźvieddanymi ZŠA.
Vybuch u Kiermanie adbyŭsia padčas žałobnych šeściaŭ z nahody čaćviortaj hadaviny sa dnia hibieli Sulejmani, jaki ŭ 2020 hodzie zahinuŭ u vyniku amierykanskaha avijaŭdaru. Sulejmani byŭ hienierałam Korpusa vartavych isłamskaj revalucyi (KVIR) i ideołaham źniešniaj palityki Irana.
Čytajcie taksama:
Vybuchi na mohiłkach u Iranie, dzie pachavany hienierał Sulejmani. Zahinuli 73 čałavieki
Rasija, mahčyma, užo kuplaje balistyčnyja rakiety ŭ Paŭnočnaj Karei