Turcyja praciahvaje pieraŭzbrajeńnie. Niadaŭna jana prezientavała svoj novy bieśpiłotnik «Anka-3», jaki ździviŭ uvieś śviet. Raskazvajem, što heta za zbroja.
Zaniaŭšy pasadu prezidenta Turcyi ŭ 2014 hodzie, Redžep Taip Erdahan inicyjavaŭ źmianieńnie abaronnaj stratehii krainy. Zhodna z novym płanam, Ankara pavinna minimizavać impart zbroi ź inšych krain i stvaryć ułasnuju samadastatkovuju vajskovuju pramysłovaść.
Płany mieli pośpiech, treba ŭ hetym sensie addać Erdahanu naležnaje. 28 śniežnia ŭ svaim akaŭncie ŭ Ch jon raźmiaściŭ videa paśpiachovaha pieršaha palotu bieśpiłotnika «Anka-3», jaki moža nieści jak rakiety, tak i avijabomby.
TUSAŞ tarafından geliştirilen insansız savaş uçağımız Anka III, bugün ilk uçuşunu başarıyla gerçekleştirdi. İnşallah uçağımız, sahip olduğu gelişmiş teknolojilerle, tasarımıyla ve özellikleriyle ülkemizin savunmasına çok güçlü bir katkı sağlayacak. pic.twitter.com/ElZaSoNRVo
Raspracoŭka bieśpiłotnika, pavodle paviedamleńniaŭ profilnych vydańniaŭ, była raspačataja ŭ lutym 2022 hoda, ale trymałasia pad sakretam da kanca minułaha hoda. Latajučy aparat stvorany z vykarystańniem stełs-technałohij («latajučaje kryło»), što robić jaho małazaŭvažnym dla radyjołakacyjnych stancyj (RŁS).
Samalot abstalavany adnym turbavientylatarnym ruchavikom. Maksimalnaja vyšynia palotu bieśpiłotnika składaje 12 kiłamietraŭ, čas znachodžańnia ŭ pavietry — 10 hadzin, karysnaja nahruzka — 1200 kiłahramaŭ, maksimalnaja chutkaść — zvyš 800 km/h.
Novaja tureckaja supierzbroja budzie vykarystoŭvacca dla vykanańnia składanych bajavych apieracyj. Jak paviedamlajecca, Anka-3 — bieśpiłotnik novaha pakaleńnia. Jon zabiaśpiečvaje raźviedku i nazirańnie, moža atakavać roznymi bojeprypasami kłasa «pavietra-ziamla», vysočvać i źbivać viertaloty, vintavyja samaloty i BPŁA praciŭnika bojeprypasami «pavietra-pavietra», niejtralizavać RŁS i supraćpavietranuju abaronu praciŭnika, zabiaśpiečvać abaronu svaich sił u pavietry i na sušy, vieści radyjoelektronnuju baraćbu.
U płanach taksama stvareńnie pałubnaj viersii, zdolnaj uźnimacca z pałuby desantnaha karabla/avijanosca.
Jak adznačajuć vajskovyja analityki, Erdahan pakazaŭ, što moža zabiaśpiečvać Turcyju ŭzbrajeńniem navat biez dapamohi Zachadu.
Čytajcie jašče:
Ukrainskija vajskoŭcy teścirujuć novy bieśpiłotnik
Pamiž Rasijaj i Ukrainaj idzie vajna bieśpiłotnikaŭ niečuvanaha maštabu
-
Navukoŭcy zaniepakojenyja: zapasy presnaj vady na Ziamli skaračajucca, a ŭzrovień akijanu raście
-
Navukoŭcy znajšli niezvyčajnyja formy žyćcia ŭ samych hłybiniach akijana. Raniej dumali, što tam uvohule nichto nie žyvie
-
Servis, jaki dazvalaje dziaŭčatam abmieńvacca źviestkami pra mužčyn, staŭ samym papularnym u ZŠA. Ale niešta pajšło nie tak
Ciapier čytajuć
Aryštavany viadomy nieŭrołah Rusłan Badamšyn. Jon byŭ na chatniaj chimii1
Kamientary