U Horkach dvoje studentaŭ zahinuli ŭ haražy
Dniom 4 studzienia ŭ arandavanym haražy ŭ Horkach znajšli cieły dvuch maładych ludziej (20 hadoŭ i 21 hoda). Ustanoŭlena, što za tydzień da taho, što zdaryłasia, chłopcy arandavali haraž dla farbavańnia aŭtamabila adnaho ź ich, paviedamiŭ Śledčy kamitet.
Pavodle papiaredniaj infarmacyi, uviečary napiaredadni trahiedyi zahinułyja adznačali paśpiachovuju zdaču ekzamienu, a paśla vyrašyli prahulacca i nazad u internat nie viarnulisia.
Siabry zabili tryvohu na nastupny dzień, kali zrazumieli, što chłopcy doŭha nie vychodziać na suviaź. Nakiravaŭšysia ŭ haraž, jany vyjavili, što jon nie začynieny, a ŭ aŭtamabili znachodzilisia chłopcy biez prykmietaŭ žyćcia. Jany siadzieli na piarednich siadzieńniach, a ŭ zamku zapalvańnia znachodziŭsia kluč.
Miascovyja žychary raskazali, što ranicaj čuli huk ruchavika, ale asablivaha značeńnia hetamu nie nadali.
Čytajcie taksama:
U Pinskim rajonie patanuŭ mužčyna z kaniom
U Baranavičach susied vynies piensijanierku z ahniu
U Minsku aŭtamabil urezaŭsia ŭ słup, a toj upaŭ na prajeznuju častku