Pamior rasijski akcior Juryj Sałomin
Jamu było 88 hadoŭ.
Wikimedia Commons
U listapadzie Juryj Sałomin pieranios insult u lohkaj formie. Znachodziŭsia ŭ balnicy, u pałacie intensiŭnaj terapii. Byŭ vypisany z balnicy pazaŭčora.
Juryj Sałomin naradziŭsia ŭ 1935 hodzie ŭ Čycie ŭ siamji muzyčnych piedahohaŭ. Pačynaŭ u teatry z rolaŭ epizadyčnych, zatym staŭ hrać viadučyja roli ŭ pjesach: Chlestakoŭ u «Revizory», Fiedzia Pratasaŭ u «Žyvym trupie», Sirano de Bieržerak u adnajmiennaj pjesie Edmona Rastana, Famusaŭ u «Hory ad rozumu». Z 1988 hoda byŭ mastackim kiraŭnikom Małoha teatra ŭ Maskvie.
U kiniematohrafie debiutavaŭ u 1960 hodzie, vykanaŭšy hałoŭnuju rolu ŭ filmie «Biassonnaja noč». Usiesajuznaje pryznańnie akcioru pryniesła rola Paŭła Kalcova ŭ kultavym televizijnym filmie «Adjutant jaho vialikaści».
Jon vykanaŭ hałoŭnyja roli ŭ mnohich viadomych karcinach, u tym liku ŭ oskaranosnym filmie «Dersu Uzała» Akiry Kurasavy, «Błakada», «Kažan (Letučaja myš)» i «TASS upaŭnavažany zajavić…».
Jahony małodšy brat — akcior Vitalij Sałomin pamior u 2002 hodzie.
Čytajcie taksama:
Eks-hałoŭny doktar Hrodzienskaj abłasnoj balnicy Śviatasłaŭ Savicki zaŭčasna pamior u 61 hod