Bahdan Šeršun hulaŭ va ŭkrainskich i rasijskich kłubach.
Były paŭabaronca CSKA Rałan Husieŭ paviedamiŭ, što eks-abaronca «čyrvona-sinich» Bahdan Šeršun niezadoŭha da śmierci lačyŭsia ad puchliny mozhu. 8 studzienia 42-hadovy ŭkrainiec pamior, piša «Priessboł».
«U mianie niama słoŭ. Bahdan — moj blizki čałaviek, siabar, ź jakim my zaŭsiody hladzieli ŭ vočy adzin adnamu. Ja apłakvaju jaho hetak ža, jak i ŭsie rodnyja. U Bahdana była puchlina mozhu, jon znachodziŭsia ŭ Bielhii. Jon zmahaŭsia, lačyŭsia. 42 hady, pryhažun, błakitnyja vočy… syšoŭ — i ŭsio», — skazaŭ Husieŭ.
Bahdan Šeršun vystupaŭ za ŭkrainskija «Dniapro», kijeŭski «Arsienał», «Kryŭbas» i «Vałyń». Za CSKA hulaŭ sa studzienia 2002 hoda pa lipień 2005 hoda. Razam z armiejcami dvojčy vyjhraŭ čempijanat Rasii i adzin raz stanaviŭsia ŭładalnikam Supierkubka krainy, a taksama zavajavaŭ Kubak UEFA.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie1
Kamientary