Raźvitańnie ź Mikałajem Aksamitam projdzie siońnia viečaram u Vaŭkavysku
Cyrymonija projdzie ŭ zali rytualnych pasłuh haradskoj lakarni z 19 da 21 hadziny, piša Jeŭraradyjo.
Mikałaj Aksamit pamior u Vaŭkavysku, jamu było 69 hadoŭ. Jak stała viadoma Radyjo Svaboda, śmierć nastupiła paśla zapłanavanaj apieracyi.
U 1990 hodzie Mikałaj Aksamit udzielničaŭ u raspracoŭcy Dekłaracyi ab dziaržaŭnym suvierenitecie, hałasavaŭ za abviaščeńnie niezaležnaści Biełarusi 25 žniŭnia 1991 h. Byŭ členam Kamisii Viarchoŭnaha Savieta pa adukacyi, kultury i zachavańni histaryčnaj spadčyny.
11-12 krasavika 1995 hoda ŭdzielničaŭ u haładoŭcy deputataŭ Apazicyi BNF suprać inicyjavanaha Łukašenkam refierendumu ab skasavańni biełaruskaj movy jak adzinaj dziaržaŭnaj, skasavańni statusu dziaržaŭnych simvałaŭ bieł-čyrvona-biełaha ściaha i hierba «Pahonia», intehracyi z Rasijaj i pravie prezidenta raspuskać parłamient. Byŭ žorstka źbity padraździaleńniami KDB i MUS.
Čytajcie taksama: