Azaravu zavočna zapytali 25 hadoŭ, jaho byłym kaleham udvaja mienš. Ale ŭsim biez vyklučeńnia niejmaviernyja štrafy
U Minskim haradskim sudzie praciahvajecca zavočny razhlad kryminalnaj spravy nakont arhanizacyi byłych siłavikoŭ «Bajpoł», a taksama «Situacyjna-analityčnaha centra» i płana «Pieramoha».
Alaksandr Azaraŭ
Prakuror zapytaŭ dla abvinavačanych nastupnyja terminy:
Alaksandru Azaravu — 25 hadoŭ sa štrafam u 10 tysiač bazavych vieličyń (400 tysiač rubloŭ),
Andreju Astapoviču — 11 hadoŭ sa štrafam 5000 bazavych (200 tys. rubloŭ),
Uładzimiru Žyharu — 12 hadoŭ sa štrafam 5000 bazavych (200 tys. rubloŭ),
Maćvieju Kuprejčyku — 12 hadoŭ sa štrafam 5500 bazavych (220 tys. rubloŭ),
Iharu Łobanu — 12 hadoŭ sa štrafam 5000 bazavych (200 tys. rubloŭ),
Alehu Talerčyku — 12 hadoŭ sa štrafam 1000 bazavych (40 tys. rubloŭ),
Pakarańnie jany pavinny nibyta adbyvać u kałonii ŭzmocnienaha režymu.
Zavočny sud pa hetaj spravie idzie z 22 studzienia.
Byłym siłavikam, jakija vystupili suprać uładaŭ, inkryminujucca roznyja artykuły KK, u tym liku: zdrada dziaržavie, arhanizacyja aktu teraryzmu, dziejańni z metaj zachopu ŭłady, stvareńnie i kiraŭnictva ekstremisckim farmiravańniem dy inš.
Varta zaznačyć, što «Bajpoł» padzialiŭsia na dźvie častki: na «Bajpoł» i «Biełpoł».
Čytajcie taksama:
Suprać eks-palitźniavolenaj zavočna zaviali kryminałku za intervju
SK zavioŭ spravy na 20 «analitykaŭ Cichanoŭskaj». Tam jość i analityki suprać Cichanoŭskaj
Zaviali pakiet zavočnych kryminalnych spraŭ u dačynieńni da Ivana Kraŭcova