Siłavy błok dziejničaŭ zładžana — hałoŭny ideołah Minabarony ab pravale sprobaŭ nibyta destabilizavać abstanoŭku
«A hetyja sproby byli, i ich było šmat», — imkniecca pierakanać prysutnych Leanid Kasinski.
Alaksandr Łukašenka na pašyranaj naradzie z kirujučym składam dziaržorhanaŭ sistemy nacyjanalnaj biaśpieki raspavioŭ, što nibyta jaho palityčnyja praciŭniki, demakratyčnaje hramadstva ad śpiecsłužbaŭ prapracoŭvajuć try asnoŭnyja scenary.
«Kali razhladać try scenary, pra jakija kazaŭ naš hałoŭnakamandujučy, jany majuć ahulnuju asnovu i budujucca na adzinaj płatformie. Pieršy scenar, jaki ahučyŭ Hałoŭnakamandujučy, — heta sproby destabilizavać situacyju ŭ pieryjad užo minułaj elektaralnaj kampanii. Jak bačym, hety scenar nie ŭdałosia realizavać», — skazaŭ pamočnik ministra abarony pa ideałahičnaj pracy va Uzbrojenych siłach — načalnik Hałoŭnaha ŭpraŭleńnia ideałahičnaj raboty Leanid Kasinski.
Na jaho dumku, hetaha scenara ŭdałosia paźbiehnuć tamu, što šmat u čym siłavy błok dziejničaŭ dastatkova zhurtavana. «Dzieści na dalokich rubiažach spynialisia sproby (pravakacyj). A hetyja sproby byli, i ich było šmat», — zapeŭniŭ jon.
Leanid Kasinski adznačyŭ, što siońnia apanienty Biełarusi byccam by sprabujuć pravieści pracu nad pamyłkami 2020 hoda. «Jany robiać heta siakierna. Ale pošuk tryhieraŭ, jakija mohuć destabilizavać situacyju, praciahvajecca», — dadaŭ ideołah.
Čytajcie taksama:
Stała viadoma, kolki kryminałak za «ekstremizm» zaviali z 2020 hoda ŭ Minsku
HUBAZiK spravazdačyŭsia ab zatrymańni jašče 5 žycharoŭ Biarozy
Adzin tolki HUBAZiK za hod zatrymaŭ bolš za 1100 čałaviek za «ekstremizm»