Adzin tolki HUBAZiK za hod zatrymaŭ bolš za 1100 čałaviek za «ekstremizm»
Za hod HUBAZiK zatrymaŭ bolš za 1100 čałaviek pa «ekstremisckich» złačynstvach, raskazaŭ u efiry STB načalnik hetaj struktury Andrej Ananienka.
«Što tyčycca našaj arhanizacyi, to možna skazać što bolš za 1000 čałaviek my zatrymali jak pa administracyjnaj, tak i pa kryminalnaj vytvorčaści. Heta, my havorym, dzieści za hod. Bolš za 1100, voś tak voś», — zajaviŭ Ananienka. Pry hetym jon padkreśliŭ, što zatrymańniami za «ekstremizm» zajmajucca i inšyja viedamstvy.
Ananienka taksama raskazaŭ, što biełarusaŭ nibyta ŭciahvajuć va ŭčynieńnie teraktaŭ u Biełarusi i Rasii. Hetym zajmajucca, jak jon vykazaŭsia, «anhłasaksy», ukrainskija i polskija śpiecsłužby:
«Heta značyć, hetyja asoby, jakich atrymlivajecca im spravakavać, kab jany ździejśnili złačynstva, jany, na žal, šukajuć ich z dapamohaj internetu. Znajšoŭšy hetych ludziej, adpaviedna, dajecca peŭnaje zadańnie, jany vyjazdžajuć dla vykanańnia teraktaŭ na krytyčnaj infrastruktury. Jak praviła, čyhunki, pradpryjemstvy i hetak dalej. Tamu my bačym u hetym kirunku peŭnyja niehatyŭnyja tendencyi. Mienavita vykarystańnie našych hramadzian dla ździajśnieńnia voś hetych ciažkich złačynstvaŭ».
Ale za čatyry hady HUBAZiK, maŭlaŭ, navučyŭsia vyjaŭlać takich asob i nabyŭ «prafiesijanalizm».
Ciapier čytajuć
«Zabić jaho ci adrezać jamu jajcy ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie34
Kamientary