Ukraina vyjšła z pahadnieńnia ź Biełaruśsiu ab dziejnaści čyhunačnaha transpartu
Pra vychad Ukrainy z pahadnieńnia z uradam Biełarusi ab dziejnaści ŭ śfiery čyhunačnaha transpartu paviedamiŭ pradstaŭnik ukrainskaha ŭrada ŭ Viarchoŭnaj Radzie Taras Mielničuk.
Zdymak ilustracyjny
Pahadnieńnie, padpisanaje 17 śniežnia 1992 hoda ŭ Kijevie, vyznačała supracoŭnictva pamiž krainami ŭ hruzavych i pasažyrskich pieravozkach pa čyhuncy, praduhledžvała kaardynavańnie taryfnaj palityki, finansavyja adnosiny bakoŭ, a taksama supracoŭnictva ŭ padrychtoŭcy čyhunačnikaŭ.
Akramia taho, ukrainski Kabmin uchvaliŭ zakonaprajekt ab denansacyi pahadnieńnia pamiž uradami Ukrainy i Biełarusi ab supracoŭnictvie ŭ halinie papiaredžańnia nadzvyčajnych situacyj i likvidacyi ich nastupstvaŭ.
Ukraina taksama vyjšła z pahadnieńniaŭ ab arhanizacyi miedycynskaha zabieśpiačeńnia vajskoŭcaŭ Uzbrojenych sił i ab baraćbie z abarotam falsifikavanych lekavych srodkaŭ u ramkach SND.
Čytajcie taksama:
Biełaruskich studentaŭ adpraviać na budaŭnictva BAM
Chutkasnuju čyhunačnuju mahistral z Maskvy ŭ Minsk kali i prakładuć, to vielmi niachutka
Čyhunačnyja pieravozki pamiž Biełaruśsiu i Polščaj źnizilisia bolš čym udvaja