Biełaruskija studenckija atrady adpraviacca ŭ krasaviku na rekanstrukcyju Bajkała-Amurskaj mahistrali, piša Sputnik.
Jak paviedamiła na pres-kanfierencyi zahadčyca Centra infarmacyjnych i sacyjalnych technałohij CK HA «BRSM» Kaciaryna Łakisava, na Suśvietnym maładziožnym fiestyvali Biełaruski respublikanski sajuz moładzi zaklučyŭ šerah pahadnieńniaŭ z pradstaŭnikami roznych krain.
Pracoŭny prajekt atrymaŭ nazvu «BAM 2.0», čakajecca, što ŭ im prymuć udzieł tysiačy studentaŭ.
Łakisava dadała, što ŭ svaju čarhu biełaruski bok zaprasiŭ rasijskija studenckija atrady ŭ respubliku — na budaŭnictva abjektaŭ na terytoryi Bresckaj krepaści — centra patryjatyčnaha vychavańnia moładzi.
U hetym hodzie spaŭniajecca 50 hadoŭ z pačatku budaŭnictva Bajkała-Amurskaj mahistrali.
U 1970-80-ja biełaruskaja moładź aktyŭna pracavała na samaj maštabnaj usiesajuznaj budoŭli, uzvodziačy stancyi, žyłyja pasiołki i ŭkładvajučy čyhunačnyja puci.
Bajkała-Amurskaja mahistral — čyhunka, jakaja prachodzić praz Uschodniuju Sibir i Daloki Uschod Rasii, praciahłaściu 4324 km. Adna z najbujniejšych čyhunačnych mahistralaŭ u śviecie. Bolšaja častka mahistrali prakładziena ŭ zonie viečnaj mierzłaty.
Tvorča adoranyja «sapraŭdnyja dziaržaŭniki», jakija malujuć palityčnyja karykatury. Takija ludzi majuć prynieści roskvit dziaržaŭnym ŚMI
Jak źbirajucca pijaryć «sajuznuju dziaržavu» siarod moładzi — pačytali prapanovy Ministerstva adukacyi
Źjaviŭsia biełaruska-rasijski padručnik dla VNU pa «historyi Sajuznaj dziaržavy»
Kamientary