ZŠA pieradavali Maskvie danyja pra padrychtoŭku terakta
Pra toje, što «Isłamskaja dziaržava» ŭziała na siabie adkaznaść za terakt u padmaskoŭnym «Krokus Sici Chole», dzie zahinuli dziasiatki čałaviek i bolš za 100 paciarpieli, pišuć Reuters i inšyja aŭtarytetnyja ŚMI sa spasyłkaj na paviedamleńnie terarystyčnaj arhanizacyi ŭ telehramie. A ŭ ZŠA zajavili, što papiaredžvali Maskvu.
Fota: AP Photo/Vitaly Smolnikov
Nienazvanyja aficyjnyja asoby ZŠA paćvierdzili hetuju zajavu IDIŁ, piša The New York Times.
Na padstavie svaich krynic vydańnie śćviardžaje, što ŭ sakaviku ZŠA atrymali raźvieddanyja ab tym, što členy «Isłamskaj dziaržavy» płanujuć napaści na Maskvu. Jak śćviardžajuć pradstaŭniki kontrterarystyčnaj słužby ZŠA, bolšaść sprobaŭ teraktaŭ IDIŁ u Jeŭropie byli sarvanyja, tamu členy hrupoŭki pieraklučylisia na Rasiju.
Krynicy NYT adznačajuć, što akramia publičnaha papiaredžańnia 7 sakavika pra mahčymy napad, aficyjnyja asoby ZŠA zajavili, što ŭ pryvatnym paradku paviedamlali rasijskim čynoŭnikam pra jaho padrychtoŭku.
19 sakavika Uładzimir Pucin zajaviŭ, što paviedamleńni krain Zachadu pra mahčymyja terakty ŭ Rasii — heta pravakacyja.
«Usio heta nahadvaje adkryty šantaž i namier zapałochać, destabilizavać naša hramadstva», — skazaŭ Pucin.
Kolkaść zahinułych u vyniku stralaniny ŭ «Krokus Sici Choł» vyrasła da 62 čałaviek. Takija papiarednija źviestki daje kanał Baza.
Bolš za 10 ciełaŭ zahinułych znajšli ŭ adnoj z prybiralniaŭ «Krokus Sici Choła». Padčas ataki ludzi telefanavali na numar 112 i prasili vyratavać ich, tamu što ŭ pamiaškańnie ŭžo pačaŭ pranikać dym i ludzi byli zabłakavanyja.
Čytajcie taksama:
Źjaviłasia poŭnaje videa ŭciokaŭ ludziej z «Krokus Choła» paśla pačatku stralaniny
Źjavilisia VIDEA, na jakich bačnyja pieršyja siekundy padziej u «Krokus Choł»
Rasijskija prapahandysty ŭžo viedajuć, chto vinavaty ŭ terakcie