«Minimum piać čałaviek, baradatyja». Što viadoma pra terarystaŭ, jakija ŭčynili stralaninu ŭ maskoŭskim «Krokusie»
U rasijskich ŚMI i telehram-kanałach źjaŭlajucca śviedčańni vidavočcaŭ, što ź siabie ŭjaŭlali terarysty, jakija ŭčynili stralaninu ŭ handlovym centry «Krokus Sici Choł» u Maskvie.
«Pavodle papiarednich źviestak, hrupa nieviadomych ad dvuch da piaci čałaviek u taktyčnym abmundziravańni, uzbrojenaja aŭtamatyčnaj zbrojaj adkryła stralbu pa achoŭnikach na ŭvachodzie ŭ kancertnuju zału. Zatym jany pačali stralać pa hledačach u faje», — skazali ahienctvu «Interfaks» u apieratyŭnych słužbach.
«Minimum piać čałaviek, baradatyja. Dziejničajuć jak padrychtavanyja i navučanyja bajeviki. U momant prachodu da budynka zabili achoŭnikaŭ i ludziej, jakija stajali kala dźviarej. Zatym zabłakavali hałoŭny ŭvachod.
Terarysty ŭzbrojenyja aŭtamatami AKM. Niekatoryja niasuć na sabie razhruzki z roznymi bojeprypasami. Jak minimum dvoje z napadnikaŭ majuć pry sabie zaplečniki, mahčyma, z zapalnaj sumieśsiu», — apisaŭ napadnikaŭ adzin ź vidavočcaŭ.
Fatohraf Dejv Prymaŭ taksama apynuŭsia ŭ «Krokusie» padčas napadu. Jon raskazaŭ pra toje, što bačyŭ, u instahramie:
«My čakali kancert hurta «Piknik», u zału ŭvarvalisia ludzi ŭ karyčnievaj vopratcy i pačali z aŭtamataŭ stralać pa ludziach. My pačali biehčy, ciskanina žudasnaja prosta, panika va ŭsich, usie kładucca na ziamlu».
Čatyrom z napadnikaŭ nibyta ŭdałosia ŭciačy ź miesca terakta, paviedamlajuć krynicy Baza.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary
rubbers escaped