Ukraina zmoža atakavać Urał i Zapalarje. Drony ŭžo na padychodzie
Ukraina ŭžo sioleta zmoža vykarystoŭvać drony z dalokaściu palotaŭ u 2000 kiłamietraŭ i bolš. Da kanca hoda dziesiać vytvorcaŭ pastaviać ukrainskaj armii drony z dalnabojnaściu da 2500 kiłamietraŭ, paviedamlaje Bild sa spasyłkaj na krynicu. Novyja madyfikacyi bieśpiłotnikaŭ dazvolać vyrašyć prablemu niedachopu dalnabojnych rakiet.
Infahrafika: Bild
Niadaŭna USU ŭžo atakavali celi ŭ Tatarstanie, jakija znachodziacca na adlehłaści 1300 kiłamietraŭ ad linii frontu. Dla adnoj z hetych atak vykarystoŭvaŭsia ŭkrainski dron UJ-22. Jahonaja standartnaja dalnabojnaść składaje 800 kiłamietraŭ, adnak novaja madyfikacyja bieśpiłotnika dazvoliła atakavać celi na značna bolšaj addalenaści ad frontu.
Kijeŭskaje KB «Pramień» užo raspracavała bieśpiłotnik «Sokał-3000» z dalokaściu da 3300 kiłamietraŭ. Novyja drony buduć zdolnyja atakavać celi ŭ Murmanskaj vobłaści, dzie znachodzicca aeradrom Aleńja — tam bazujucca stratehičnyja bambaviki, jakija vykarystoŭvajucca dla abstrełaŭ ukrainskich haradoŭ.
Na dumku ekśpiertaŭ, prymianieńnie novych dronaŭ dapamoža kampiensavać deficyt rakiet siaredniaj i vialikaj dalokaści.
Čytajcie taksama:
Siońnia nočču bieśpiłotniki atakavali rasijskija harady z aeradromami
Rasija z-za sankcyj nie spraŭlajecca ramantavać NPZ, paškodžanyja Ukrainaj
«Pračniciesia, nichto vas nie abaronić». Kiraŭnik Tatarstana nie vieryć u mahčymaści rasijskaj SPA