«Pračniciesia, nichto vas nie abaronić». Kiraŭnik Tatarstana nie vieryć u mahčymaści rasijskaj SPA
Kiraŭnik Tatarstana Rustam Minichanaŭ zaklikaŭ kiraŭnikoŭ pradpryjemstvaŭ svajho rehijona nie spadziavacca na toje, što ad nalotu ŭkrainskich dronaŭ ich abaronić SPA. Pavodle jaho słoŭ, ad napadaŭ bieśpiłotnikaŭ tym treba adbivacca samastojna. Zajavu Minichanava na respublikanskim forumie pa enierhietycy pracytavaŭ sajt «116.ru».
Padčas vystupu Minichanaŭ prakamientavaŭ ataki ŭkrainskich bieśpiłotnikaŭ na harady Jałabuhu i Nižniakamsk 2 krasavika. Jon adznačyŭ, što «samyja paciarpiełyja ŭčastki» — enierhietyka i źviazanyja z hetaj śfieraj vytvorčaści.
«Mabyć, z-za taho, što Uraza i post pravasłaŭny, Usiavyšni daje nam znak: pračniciesia, chłopcy, nichto vas nie abaronić, akramia siabie. Nie treba čakać, što spracuje supraćrakietnaja abarona, jana vyrašaje inšyja zadačy. My pavinny vyrašać svaimi siłami, kožnaje pradpryjemstva, kožny municypalitet, kožny horad», — skazaŭ kiraŭnik Tatarstana ŭ zvarocie da kiraŭnikoŭ pradpryjemstvaŭ rehijona.
Pry hetym jon nie ŭdakładniŭ, jak mienavita pradpryjemstvy pavinny adbivać ataki, ale zaklikaŭ ekstrannyja słužby zaŭsiody być napahatovie, mieć zapasy i bryhady.
Ciapier čytajuć
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy7
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary