Upieršyniu ŭ Biełarusi aparat MRT pastaviać u paliklinicy
Mantaž MRT budzie pravodzicca ŭ ramkach kapitalnaha ramontu ŭstanovy achovy zdaroŭja.
Ilustracyjnaje fota moskovia.ru
U minskaj paliklinicy №2 źjavicca ŭłasny MRT, paviedamiŭ staršynia kamiteta pa achovie zdaroŭja Minharvykankama Ihar Jurkievič.
Heta pieršy vypadak u krainie, kali takoje składanaje i darahoje abstalavańnie stavicca nie ŭ stacyjanary. Mantaž MRT budzie pravodzicca ŭ ramkach kapitalnaha ramontu ŭstanovy achovy zdaroŭja.
Sa słoŭ Jurkieviča, bolš za 10 młn rubloŭ vydzielena sioleta ź biudžetu horada na biahučy ramont dziciačych arhanizacyj achovy zdaroŭja. Taksama jon raspavioŭ, što praciahniecca praca pa prajektavańni błoka «6» dziciačaj infiekcyjnaj balnicy. Vydzieleny asihnavańni na madernizacyju sistemy vientylacyi 3-j dziciačaj kliniki.
Čytajcie taksama:
Što adbudziecca, kali patrapić u aparat MRT sa zbrojaj? (spojler: ničoha dobraha)
U Brazilii mužčyna čatyry dni prachadziŭ z kulaj u hałavie
U Hrodzienskaj univiersiteckaj klinicy dla vyjaŭleńnia insultaŭ stali vykarystoŭvać štučny intelekt