U Brazilii mužčyna čatyry dni prachadziŭ z kulaj u hałavie
21-hadovy Mateus Fasiu z Brazilii čatyry dni pražyŭ z kulaj u hałavie. Chłopiec zajmaŭsia svaimi spravami i tolki praz čas zrazumieŭ, što ź im niešta nie tak.
Usio pačałosia z taho, što 31 śniežnia Mateus pryjšoŭ na navahodniuju viečarynu. U niejki momant jon pačuŭ hučny šum i adčuŭ rezki bol u hałavie. Z rany ciakła kroŭ, ale chłopiec vyrašyŭ, što chtości zapuściŭ u jaho kamieniem.
Na viečarynie byŭ doktar, jaki dapamoh spynić kroŭ, a paśla Mateus prosta prykłaŭ da rany lod. Jon adśviatkavaŭ Novy hod ź siabrami, paśla čaho prajechaŭ 300 km da siabie dadomu.
Užo 3 studzienia brazilec, jak zvyčajna, pajšoŭ na pracu, zatym pajechaŭ u Rya-de-Žaniejra da siabroŭ. I tolki ŭ druhoj pałovie dnia 4-ha čysła jon zrazumieŭ, što ź im niešta nie tak.
Paśla snu levaja ruka Mateusa prykmietna asłabła — jon nie moh padniać navat lohkija rečy. Chłopiec źviarnuŭsia da doktara, i jamu zrabili MRT. Na tamahrafii vyśvietliłasia, što krynicaj prablemy była kula, jakaja zachrasła ŭ adnoj ź niekrytyčnych častak mozhu. Jaje vyniali chirurhičnym šlacham.
Apieracyja prajšła paśpiachova, i Mateus užo znachodzicca na šlachu da poŭnaha vyzdaraŭleńnia.
Chrysta Hrozieŭ: Mielnikava jak minimum hod, a chutčej za ŭsio, paŭtara pieradavała infarmacyju biełaruskim śpiecsłužbam36
Kamientary