Chto ciapier zmoža nasić z saboj zbroju na słužbie? MUS udakładniła śpis
Pieralik hramadzian, jakija buduć mieć pry sabie zbroju padčas vykanańnia svaich słužbovych abaviazkaŭ, apublikavany na Nacyjanalnym pravavym interniet-partale.
Zdymak ilustracyjny. Fota: Sobor.by
Pistalety i strelby, u tym liku z naraznym stvałom, atrymajuć supracoŭniki lasnoj haliny. Siudy ŭvajšli laśničyja, jehiery, dyrektary pryrodaachoŭnych ustanoŭ i lesapalaŭničych haspadarak, ich namieśniki i inšyja.
Hładkastvolnuju zbroju daduć pamočnikam laśničych, kantraloram KPP i šerahu supracoŭnikaŭ Paleskaha zapaviednika.
Pistalety buduć nasić ministr lasnoj haspadarki i jaho namieśniki, kiraŭniki strukturnych padraździaleńniaŭ i ich namieśniki, a taksama kansultanty, hałoŭnyja śpiecyjalisty viedamstva i supracoŭniki, jakija kirujuć pytańniami achovy lasoŭ.
Jašče zabiaśpiečać bajavoj zbrojaj supracoŭnikaŭ słužby inkasacyi. Pistalet abo revalvier buduć abaviazanyja mieć pry sabie: načalnik, jaho namieśnik, śpiecyjalisty ŭsich katehoryj, staršy inkasatar, kiroŭca, inkasatar abo kiroŭca, jakija ažyćciaŭlajuć achovu kasira abmiennaha punkta.
Akramia hetaha, na adnu bryhadu inkasataraŭ budzie vydadzieny adzin aŭtamat.
Čytajcie taksama:
Lasnoj achovie aficyjna dazvolili ŭžyvać siłu, śpiecsrodki i zbroju
Biełarus znajšoŭ u siabie doma češski pistalet stohadovaj daŭniny