Lasnoj achovie aficyjna dazvolili ŭžyvać siłu, śpiecsrodki i zbroju
U Biełarusi zakonam ad 17 lipienia 2023 hoda № 293-Z uchvalili źmieny ŭ Lasny kodeks. Zakon apublikavany na Nacyjanalnym pravavym partale i ŭstupaje ŭ siłu praz šeść miesiacaŭ.
Siarod inšaha ŭ Kodeks dadadzieny artykuł «Paradak prymianieńnia fizičnaj siły, śpiecyjalnych srodkaŭ, prymianieńnia i vykarystańnia zbroi słužbovymi asobami, na jakich uskładajucca funkcyi dziaržaŭnaj lasnoj achovy».
Zhodna z hetyja artykułam, słužbovaja asoba maje prava na prymianieńnie zbroi ŭ dačynieńni da asoby:
- jakaja ździajśniaje napad na jaje ci inšych hramadzian, kali padviarhajucca niebiaśpiecy ich žyćcio abo zdaroŭje;
- jakaja ździajśniaje napad, u tym liku hrupavy, abo napad, spałučany z užyvańniem zbroi albo vybuchaŭ, padpałaŭ i z vykarystańniem inšych ahulnaniebiaśpiečnych sposabaŭ, transpartnych srodkaŭ, mašyn abo miechanizmaŭ, na abjekty dziaržaŭnaj lasnoj achovy;
- jakaja ažyćciaŭlaje dziejańnie, nakiravanaje na zavałodańnie zbrojaj, bojeprypasami, śpiectechnikaj abo śpiecsrodkami, jakija znachodziacca ŭ słužbovaj asoby.
Kamientary