Minčuk znajšoŭ na vulicy skrutak i vyrašyŭ paniuchać. U vyniku straciŭ prytomnaść i atrymaŭ kryminałku 

Minaki ŭ parku Drazdy zaŭvažyli mužčynu, jaki lažaŭ na ściežcy biez prytomnaści. Jany vyklikali chutkuju, razam ź lekarami na miesca pryjechaŭ i narkakantrol. 33-hadovaha mužčynu advieźli ŭ balnicu, tam vyznačyli, što jon atruciŭsia narkatyčnymi rečyvami. U zaplečniku ŭ jaho znajšli skrutak z 4,39 h mietadonu. 

Ilustracyjnaje fota: Hienprakuratura

Aprytomnieŭšy, mužčyna raspavioŭ, što hulaŭ pa parku i znajšoŭ kala dreva pieramatany izastužkaj pakiecik z kryštalepadobnym rečyvam. Mužčyna adyšoŭ u biaźludnaje miesca i vyrašyŭ paniuchać parašok. Što było dalej, jon nie pamiataje, bo ačomaŭsia tolki ŭ balnicy, pišuć «Minsk-Naviny».

Mužčynu vystavili abvinavačvańnie ŭ niezakonnym biez mety zbytu nabyćci, zachoŭvańni i pieravozcy narkotykaŭ. Pa hetym artykule jamu pahražaje da piaci hadoŭ turmy. Raniej jon nie byŭ sudzimy, u jaho jość niepaŭnaletniaje dzicia. Pracuje abvinavačany pradaŭcom-kansultantam.

Kamientary da artykuła