Startapier viarnuŭsia z Dubaja. Ciapier u jaho dva palityčnyja artykuły i adzin narkatyčny
Vypuskniku vajskovaha fakulteta BDU Vadzimu Daŭhučycu pahražaje da vaśmi hadoŭ kałonii.
Mužčynu kličuć Vadzim Daŭhučyc. Jamu 34 hady. Jon rodam z Asaŭca, vioski ŭ Lubanskim rajonie Minskaj vobłaści. Paśla 9-ha kłasa pastupiŭ u Śmiłavicki ahrarny kaledž na pčałavoda.
A ŭ 2010-m Daŭhučyc pajšoŭ na vajskovy fakultet BDU na ahulnavajskavuju padrychtoŭku. Jon musiŭ paśla adpracoŭvać piać hadoŭ, ale syjšoŭ u IT. Imavierna, jašče nie viarnuŭ hrošy da kanca — u mai 2023-ha jon praz sud prasiŭ tak zvany vykanaŭčy list.
Na 2019-y jon zasnavaŭ płatformu IQeon, sens jakoj byŭ u tym, što možna było hulać, atrymlivać kryptavalutnyja tokieny i paśla mianiać ich na realnyja hrošy. U 2019-m vyjšaŭ z prajekta. Taksama siarod jaho biznesaŭ — płatforma IQClash OU, jakaja stvarała hulni.
Ciapier u Linkedin Daŭhučyc paznačanaja kampanija MyProfit, prajekta, jaki musić dapamahać inviestaram pravilna ŭkładać hrošy.
Vadzim šmat vučyŭsia i maje dośvied u IT, biznes-analitycy i błakčejnie.
Siarod jaho miesiacaŭ žycharstva ciaham apošnich hadoŭ — Ryha, Talin i Dubaj. Nieviadoma, ci viartaŭsia jon u Biełaruś u hety čas, ale pastajanna tam nie žyŭ, u hetych krainach zarehistravanyja jahonyja kampanii.
Jaho vinavaciać pa troch artykułach — «sadziejničańnie ekstremisckaj dziejnaści» (art. 361-4 KK), «finansavańnie ekstremisckaha farmiravańnia» (361-2 KK, straciła siłu ŭ mai 2021-ha), «niezakonnyja dziejańni z narkotykami z metaj raspaŭsiudu» (č. 2 art. 328 KK). Apošni artykuł čaściej za ŭsio atrymlivajuć tyja, chto kuplaje narkotyki dla siabroŭ u kampanii abo kab prosta ŭžyć ich sumiesna, što vyjaŭlajuć pa pierapiskach — zakładčykaŭ karajuć bolš surova.
Sud nad Vadzimam pačaŭsia 22 maja ŭ Minskim haradskim sudzie. Vadzimu pahražaje da vaśmi hadoŭ kałonii.
«Naša Niva» — bastyjon biełaruščyny
PADTRYMAĆCiapier čytajuć
«Što vy hadaść amierykanskuju padsoŭvajecie?» Łukašenka zahadaŭ, kab u Mak.by ŭsio było biełaruskaje3
Kamientary