Viktar Łukašenka palacieŭ u Jakuck

Taksama ŭ Jakuck prybyła i pradstaŭničaja biełaruskaja delehacyja.

Fota: NAK

Prezident Nacyjanalnaha alimpijskaha kamiteta Respubliki Biełaruś Viktar Łukašenka prybyŭ u Jakuck na VIII Hulni «Dzieci Azii».

U mižnarodnym aeraporcie horada Jakucka imia Płatona Ajunskaha Viktara Łukašenku sustreli prezident Mižnarodnaha kamiteta «Dzieci Azii» Uładzimir Maksimaŭ i namieśnik staršyni ŭrada Respubliki Sacha (Jakucija) Siarhiej Mieśnikaŭ.

Fota: NAK

Taksama ŭ Jakuck prybyła biełaruskaja delehacyja.

Junyja biełaruskija atlety čartarnym rejsam ź Minska pieraadoleli bolš za 5 tysiač kiłamietraŭ. Biełaruskuju kamandu ŭračysta i ciopła sustreli arhanizatary. Dzieci ŭžo raźmiaścilisia i adpačyvajuć pierad treniroŭkami, paviedamlaje telehram-kanał NAK.

Fota: NAK

VIII mižnarodnyja spartyŭnyja hulni «Dzieci Azii» (0+) projduć u Jakucku z 25 červienia pa 6 lipienia. Udzieł u ich voźmuć 3000 spartsmienaŭ z 30 krain śvietu. Spabornictvy buduć prachodzić pa 24 vidach sportu. 

Kamientary da artykuła