Biznesmieny z koła Viktara Łukašenki zabrali da siabie asudžanaha akademika Bialeckaha
Znakamity na ŭvieś śviet dziciačy artapied, były dyrektar RNPC traŭmatałohii Alaksandr Bialecki ŭ 2019 hodzie byŭ asudžany da 7,5 hoda kałonii pa abvinavačańni ŭ karupcyi, a ŭ 2021-m pamiłavany Łukašenkam. Paśla čaho vioŭ pryjom u zvyčajnaj paliklinicy pry balnicy Minskaha rajona za ścipłyja hanary. Ale niadaŭna jahonaje proźvišča źjaviłasia siarod daktaroŭ kliniki «Miersi», jakoj vałodajuć ludzi z atačeńnia Viktara Łukašenki.
Na sajcie «Miersi» havorycca, što akademiku, doktaru navuk i aŭtaru mnohich technałohij chirurhičnaha lačeńnia artapiedyčnych patałohij narešcie dali paŭnavartasna viarnucca da taho, što jon umieje lepš za ŭsio — da chirurhii i endapratezavańnia.
U toj ža klinicy pracuje i syn akademika, Andrej Bialecki.
U klinicy «Miersi» niekalki saŭładalnikaŭ, niekatoryja ź ich raniej pracavali ŭ strukturach prydvornych «biznesmienaŭ udačy» Alaksieja Aleksina i Alaksandra Zajcava. A adna z saŭładalnic, Ludmiła Niaronskaja latała na prajvat-džetach u kampanii ź Viktaram Łukašenkam.
Alaksandr Bialecki — znakamity dziciačy i padletkavy chirurh sa śpiecyjalizacyjaj u traŭmatałohii. Bujnaja fihura ŭ śviecie miedycyny nie tolki Biełarusi, ale i pa suśvietnych mierkach. U 2018 hodzie Bialeckaha, na toj momant dyrektara RNPC traŭmatałohii, aryštavali ŭ ramkach pieršaj «spravy artapiedaŭ».
Doktar pryznaŭ atrymańnie chabaraŭ u 3 i 4 tysiačy jeŭra. U 2021 hodzie Łukašenka jaho pamiłavaŭ, ale viarnucca na vyšyni ŭ dziaržaŭnaj sistemie achovy zdaroŭja jamu nie dali, dazvoliŭšy pracavać tolki ŭ baraŭlanskaj paliklinicy.
Akademik Bialecki, jakoha niadaŭna vyzvalili, viarnuŭsia ŭ miedycynu. Viadzie pryjom u zvyčajnaj paliklinicy
Na svabodu vyjšli dva vysokapastaŭlenyja miedyki. Jany byli asudžanyja za karupcyju
Sud viarnuŭ asudžanamu doktaru Bialeckamu bolš za $550 tysiač
Kiraŭnika RNPC traŭmatałohii i artapiedyi akademika Bialeckaha prysudzili da vialikaha terminu ŭ kałonii
Kamientary