Adnamu z najlepšych biełaruskich trenieraŭ pa nastolnym tenisie dali dva hady kałonii
Brescki abłasny sud 25 lipienia asudziŭ 63-hadovaha treniera pa nastolnym tenisie Juryja Łahadziuka da dvuch hadoŭ kałonii, piša «Bieraściejskaja Viasna».
Jaho pryznali vinavatym pavodle č. 1 art. 361-4 Kryminalnaha kodeksu za «sadziejničańnie ekstremisckaj dziejnaści». Sutnaść abvinavačvańnia pravaabaroncam nieviadomaja. Prysud vynies Andrej Siz.
Jury Łahadziuk pryśviaciŭ svajo žyćcio reabilitacyi ludziej ź invalidnaściu praz nastolny tenis. Jaho hadavancy niaredka vyjhravali na čempijanatach u Biełarusi i inšych krainach.
Siarod padapiečnych Łahadziuka šmat ludziej z parušeńniami aporna-ruchalnaha aparata, praź invasport Łahadziuk zajmajecca ich reabilitacyjaj.
Miesca ŭtrymańnia: SIZA-7, 224030, h. Brest, vuł. Savieckich pamiežnikaŭ, 37