ŚMI daviedalisia pra hibiel pierajemnika Nasrały paśla čarhovaha ŭdaru Izraila
Paśla hibieli Chasana Nasrały lidaram «Chiezbały» byŭ abvieščany jaho stryječny brat Safi ad-Dzin. Pavodle źviestak Al Arabiya, Safi Ad-Dzin byŭ zabity ŭdaram VPS Izraila.
Safi Ad-Dzin. Wikimedia Commons
Suviaź z Chašemam Safi Ad-Dzinam, jaki prychodzicca stryječnym bratam zahinułamu hiensaku «Chiezbały» Nasrale i nazyvaŭsia jaho vierahodnym pierajemnikam, stračanaja ź piatnicy, kali VPS Izraila nanieśli ŭdary pa paŭdniovaj uskrainie Biejruta, raspaviali krynicy Reuters u livanskich siłach biaśpieki.
Al Arabiya sa spasyłkaj na krynicy piša, što Safi Ad-Dzin zahinuŭ paśla ŭdaru pa bunkiery ŭ paŭdniovym pryharadzie Biejruta, dzie jon znachodziŭsia sa svaimi pamočnikami, irancami i palavymi kamandzirami «Chiezbały».
Raniej pra toje, što metaj izrailskaha avijaŭdaru pa Biejrucie 4 kastryčnika byŭ mienavita Safi Ad-Dzin, paviedamlaŭ žurnalist Axios Barak Ravid sa spasyłkaj na dvuch izrailskich čynoŭnikaŭ.
Čytajcie taksama:
Novym kiraŭnikom «Chiezbały» staŭ stryječny brat Nasrały
Na poŭdni Biejruta prahrymieli mahutnyja vybuchi. Cellu moh być brat zabitaha lidara «Chiezbały»