Śviet44

Na poŭdni Biejruta prahrymieli mahutnyja vybuchi. Cellu moh być brat zabitaha lidara «Chiezbały»

Na paŭdniovaj uskrainie Biejruta ŭ rajonie mižnarodnaha aeraporta imia Rafika Charyry ŭ noč na piatnicu prahrymieła sieryja mahutnych vybuchaŭ. Blizkija da «Chiezbały» krynicy paviedamili, što izrailskaja armija naniesła nie mienš za 11 udaraŭ pa abjektach hrupoŭki, piša Bi-bi-si.

Fota: Hussein Malla / AP

«Izrail nanios udary pa paŭdniovych pryharadach 11 razoŭ zapar», — paviedamiŭ surazmoŭca ahienctva.

Nacyjanalnaje infarmahienctva Livana (NNA) zajaviła, što «było zafiksavana bolš za 10 paśladoŭnych udaraŭ, što stała adnym z samych mahutnych nalotaŭ na paŭdniovyja pryharady Biejruta».

Pa danych NNA, hrukat ad udaraŭ byŭ čutny ŭ hornych rajonach za miežami Biejruta.

Armija abarony Izraila nie kamientavała ŭdary, ale raniej zaklikała mirnych žycharoŭ na poŭdni Biejruta evakujavacca.

«Vy znachodziciesia pobač z abjektami, jakija naležać «Chiezbale», i izrailskaja armija budzie pracavać pa ich najbližejšym časam», — napisaŭ u sacsietcy X pa-arabsku pradstaŭnik CACHAŁ Avichaj Adrai.

Aeraport Biejruta miažuje z rajonam Dachija — aporaj «Chiezbały» i pastajannaj metaj Izrailskich avijaŭdaraŭ.

Metaj udaraŭ pa Biejrucie moh być stryječny brat zabitaha lidara «Chiezbały» Chasana Nasrały Chašym Safi ad-Dzin.

Jaho nazyvali ŭ jakaści vierahodnaha pierajemnika Nasrały na pasadzie kiraŭnika hrupoŭki. Ci paciarpieŭ jon u vyniku ŭdaraŭ — nieviadoma.

Uviečary ŭ čaćvier krynica AFP taksama paviedamiła, što jašče adzin izrailski ŭdar byŭ nakiravany na skład pobač z aeraportam Biejruta. Što mienavita znachodziłasia na składzie — niezrazumieła, piša ahienctva.

Ministerstva achovy zdaroŭja Livana paviedamiła, što za apošnija sutki ŭ vyniku izrailskich udaraŭ zahinuli 37 čałaviek, 151 atrymaŭ ranieńni.

Izrail, u svaju čarhu, abvinavaciŭ bajevikoŭ «Chiezbały» ŭ zapusku kala 230 rakiet ź Livana pa izrailskaj terytoryi ŭ čaćvier.

«Chiezbała» zajaviła, što na praciahu dnia bajeviki ździajśniali rakietnyja abstreły izrailskaj terytoryi i napady na sałdat, jakija pravodziać suchaputnuju apieracyju na poŭdni Livana.

Kamientary4

  • Čarhovyja zahublenyja dušy
    04.10.2024
    Izrailskija zabojcy znoŭ biespakarana ŭčynili terarystyčnuju ataku na susiedniuju krainu. I ja nie ździŭleny faktam zabarony ŭjezdu hiensieka AAN u Izrail, bo złodziej nie choča čuć abvinavačvańni ŭ tym, što jon złodziej.
  • Kamal Kurkumani
    04.10.2024
    Ty vsio pierieputał, tierroristy napali na Izrail v oktiabrie prošłoho hoda, nachvatali załožnikov i do sich por udierživajut ich. Poka tierroristy nie viernut załožnikov, ich budut prieśledovať i ubivať viezdie, hdie by oni nie ukryliś. Inačie nielzia, zło dołžno byť nakazano.
    No u tierroristov jesť vybor: osvobodiť załožnikov i sdaťsia, čto b priedstať pieried sudom i viernuť tiem samym riehion k mirnoj žiźni. Chvatit li u nich uma pojti na etot šah ? Ja utvierždaju, čto niet, a značit prinuždienije ich k miru budiet prodołžaťsia.
  • Pcič
    04.10.2024
    Čarhovyja zahublenyja dušy, "złodziej" heta pa vašamu "vor", a voś "złačynca" - "priestupnik". Nie kavierkajcie čałaviečuju movu!
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Praź dzieviać miesiacaŭ paśla vyzvaleńnia pamior palitviazień Valeryj Bohdan7

Praź dzieviać miesiacaŭ paśla vyzvaleńnia pamior palitviazień Valeryj Bohdan

Usie naviny →
Usie naviny

Šrajbman: Ciapierašnija kanflikty ŭ apazicyi ŭžo mała kaho cikaviać14

Rabotniki MNS vyratavali na pažary sabaku i kata, a potym zrabili im štučnaje dychańnie

Vałancior «Viasny» Čapiuk raskazaŭ, jak jaho zatrymaŭ HUBAZiK adrazu na vychadzie z kałonii i jak dapytvali pra Mikołu Dziadka2

14-hadovaja Vika admoviła ŭ seksie — i heta stała pryčynaj panažoŭščyny, u jakoj zahinuli čaćviora padletkaŭ u Bajkalsku11

Na bietonnym zavodzie ŭ Homieli zahinuŭ kiroŭca cemientavoza

«Tydzień u Brazilii, dzie ciabie abrabujuć, abo dva tydni ŭ biaśpiečnaj Biełarusi». Pa što zamiežniki jeduć u našu krainu6

Ukraina atakavała technapark i zavod pa vytvorčaści bieśpiłotnikaŭ u Padmaskoŭi1

Biełaruś pieranosić vučeńni «Zachad-2025» z zachodnich miežaŭ uhłyb krainy18

U nazvach stancyj mietro na vychadach z padziemki źnikli niekatoryja litary1

bolš čytanych navin
bolš łajkanych navin

Praź dzieviać miesiacaŭ paśla vyzvaleńnia pamior palitviazień Valeryj Bohdan7

Praź dzieviać miesiacaŭ paśla vyzvaleńnia pamior palitviazień Valeryj Bohdan

Hałoŭnaje
Usie naviny →

Zaŭvaha:

 

 

 

 

Zakryć Paviedamić