U Babrujsku mužčyna źbiŭ čałavieka kluškaj, a paśla paškodziŭ niekalki aŭto
Haradžanin pad hradusam vyjšaŭ pahulać sa spartyŭnym invientarom.
Ilustratyŭnaje fota: «Dinamo» Minsk
U milicyju źviarnuŭsia žychar Babrujska: jon paviedamiŭ, što nieviadomy na vulicy źbiŭ jaho chakiejnaj kluškaj.
Nieŭzabavie siłaviki znajšli napadnika. Im akazaŭsia 36-hadovy mužčyna, paviedamlajecca, što jon byŭ pjany.
Vyśvietliłasia, što źbićciom minaka sprava nie abmiežavałasia: babrujčanin zatym vyrašyŭ spahnać hnieŭ na pryparkavanych aŭtamabilach. U vyniku jon paškodziŭ bampier i fary ŭ niekalkich mašynach.
Siłaviki ciapier vyśviatlajuć pryčyny takich pavodzin. Zaviedzienaja kryminalnaja sprava ab chulihanstvie.