Na Zybickaj inšaziemka kinuła ŭ barmiena kasavy terminał. Što zdaryłasia?
Joj padałosia, što barmien nie choča dapamahčy.
Inšaziemka ŭ kampanii adpačyvała va ŭstanovach na Zybickaj u Minsku. U niejki momant usie razyšlisia pa damach, ale 27-hadovaja dziaŭčyna zaŭvažyła, što klučy ad jaje kvatery zastalisia ŭ znajomaha.
Jana zajšła ŭ adnu z ustanoŭ i paprasiła dziaŭčynu za barnaj stojkaj vyklikać milicyju. Taja vietliva skazała, što hościa moža zrabić heta sama, i praciahnuła joj mabilny telefon, pišuć «Minsk-Naviny».
Dziaŭčyna ŭspryniała taki zvarotny žest jak niežadańnie dapamahčy i zapuściła ŭ supracoŭnicu bara kasavym terminałam. Taja ŭ vyniku atrymała traŭmy.
Kanflikt trapiŭ na kamiery nazirańnia, dziaŭčynu zatrymali i ŭziali pad vartu. U prakuratury raskazali, što inšaziemka žyvie ŭ Minsku i pracuje mieniedžaram, heta pieršaja ŭ jaje žyćci kryminalnaja sprava.
Dziaŭčynu abvinavačvajuć u asabliva złosnym chulihanstvie, sankcyja artykuła praduhledžvaje ad troch hadoŭ chatniaj chimii da dziesiaci hadoŭ kałonii.
Kamientary