Zialenski admaŭlaje, što Ukraina choča stvarać jadziernuju zbroju
Pra toje, što va Ukrainy niama namieraŭ rabicca jadziernaj dziaržavaj, prezident Ukrainy Uładzimir Zialenski zajaviŭ padčas pres-kanfierencyi z hienieralnym sakratarom NATA Markam Rute.
Prezident Ukrainy Uładzimir Zialenski na samicie ES u Bruseli, 17 kastryčnika 2024 hoda. Fota: AP Photo / Omar Havana
«My nikoli nie kazali, što rychtujemsia stvaryć jadziernuju zbroju. Ja skazaŭ, što kali byŭ padpisany Budapiešcki miemarandum, było prapisana, što Ukraina addaje jadziernuju zbroju i Ukraina ad hetych krain-padpisantaŭ (u toj čas uklučajučy Rasiju, Kitaj, ZŠA) budzie mieć harantyju biaśpieki, terytaryjalnaj cełasnaści i suvierennaści», — zajaviŭ Zialenski.
Pry hetym jon adznačyŭ, što, padpisaŭšy Budapiešcki miemarandum, Ukraina admoviłasia ad jadziernaj zbroi, ale nie atrymała ŭzamien abiacanych harantyj biaśpieki.
«Tamu ŭ nas alternatyvy niama, akramia NATA», — dadaŭ jon.
Raniej niamieckaje vydańnie Bild paviedamiła, što Ukraina nibyta płanuje stvaryć jadziernuju zbroju za niekalki tydniaŭ.
Čytajcie taksama:
U vypadku pahrozy isnavańniu dziaržavy Ukraina stvoryć jadziernuju zbroju za niekalki tydniaŭ — Bild
Zialenski: Ukraina albo ŭstupić u NATA, albo budzie mieć jadziernuju zbroju
«Biełaruś i Hruzija ŭžo stracili niezaležnaść» — Valeryj Załužny