U vypadku pahrozy isnavańniu dziaržavy Ukraina stvoryć jadziernuju zbroju za niekalki tydniaŭ — Bild
Pra heta niamieckamu vydańniu Bild raskazaŭ vysokapastaŭleny ŭkrainski čynoŭnik. Pa jaho słovach, Ukraina nie dapuścić druhoha pachodu rasijskaj armii na Kijeŭ i maje ŭsio dla imhniennaha adnaŭleńnia jadziernaha arsienała, jakoha kraina dobraachvotna zrakłasia ŭ 1990-ja hady.
Vysokapastaŭleny ŭkrainski čynoŭnik zajaviŭ žurnalistu Bild i inšym čalcam vuzkaha koła zachodnich palitykaŭ i słužboŭcaŭ, što Ukraina nie dapuścić druhoha pachodu Uzbrojenych sił Rasii na Kijeŭ i, kab zaścierahčy siabie ad hetaha, budzie adnaŭlać ukrainski jadzierny arsienał, ad jakoha kraina dobraachvotna admoviłasia ŭ 1990-ja hady.
«U nas jość materyjały, u nas jość nieabchodnyja viedy. Kali budzie zahad, nam spatrebicca ŭsiaho niekalki tydniaŭ, kab atrymać pieršuju bombu. Zachadu varta mienš dumać pra čyrvonyja linii Rasii i značna bolš uličvać našyja čyrvonyja linii», — papiaredziŭ ukrainski ŭradavy čynoŭnik, jaki śpiecyjalizujecca na pastaŭkach uzbrajeńniaŭ ukrainskaj armii.
Vystupajučy siońnia na pres-kanfierencyi ŭ Bruseli, Zialenski raskazaŭ, jak jon abmiarkoŭvaŭ z Donaldam Trampam pytańnie NATA, vykarystoŭvajučy ŭ jakaści prykładu Budapiešcki miemarandum, kali Ukraina admoviłasia ad jadziernaj zbroi.
«Mnie zdajecca, što heta zrazumieły prykład. Ukraina mieła Budapiešcki miemarandum. U im udzielničali jadziernyja dziaržavy. Najbujniejšyja dziaržavy ŭ śviecie, jakija majuć upłyŭ i jadziernuju zbroju. Siarod ich, biezumoŭna, byli Złučanyja Štaty Amieryki, Kitaj, Rasija, Francyja. Vialikija hulcy, jakija majuć jadzierny patencyjał.
«U razmovie z Donaldam Trampam ja jamu skazaŭ: jaki ž u nas vychad? Albo Ukraina budzie mieć jadziernuju zbroju, i tady heta budzie dla nas abarona, albo my pavinny dałučycca da niejkaha aljansu. Akramia NATA, my pakul nie viedajem dziejnych aljansaŭ. Krainy NATA siońnia nie vajujuć. U krainach NATA ludzi žyvyja… Tamu my vybirajem NATA, a nie jadziernuju zbroju. My vybirajem NATA. I, jak mnie zdajecca, mianie pačuŭ Donald Tramp. Jon skazaŭ: u vas spraviadlivyja arhumienty», — padkreśliŭ Zialenski.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»4
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary