Pamior Fiodar Čarniaŭski
28 kastryčnika pamior daśledčyk šlachieckaj hienieałohii časoŭ Vialikaha Kniastva Litoŭskaha i Rečy Paspalitaj Fiodar Čarniaŭski, paviedamili ŭ sacsietkach jahonyja znajomyja. Jamu było 84 hady.
Fiodar Čarniaŭski
Fiodar Čarniaŭski naradziŭsia 22 lutaha 1940 hoda ŭ vioscy Siarpiščyna Łahojskaha rajona. U 1964 skončyŭ Minski piedahahičny instytut, dzie ŭ 1968—1971 hadach vučyŭsia ŭ zavočnaj aśpirantury pa śpiecyjalnaści «ekanamičnaja hieahrafija».
U 1971—2002 hadach pracavaŭ u Biełaruskim navukova-daśledčym i technałahičnym instytucie aŭtamabilnaha transpartu navukova-vytvorčaha abjadnańnia «Aŭtatranstechnika» (z 1971 małodšy navukovy supracoŭnik, z 1973 zahadčyk siektara prahnazavańnia raźvićcia pasažyrskaha aŭtatranspartu ahulnaha karystańnia respubliki, z 1981 staršynia prafiesijnaha kamitetu abjadnańnia).
Akramia taho, u volny čas i ŭžo budučy na piensii daśledavaŭ hienieałohiju biełaruskich šlachieckich rodaŭ. Padrychtavaŭ i vydaŭ niekalki bijahrafičnych daviednikaŭ pra ŭradnikaŭ Minskaha vajavodstva z roznych halin, aŭtar šmatlikich artykułaŭ u navukovych i navukova-papularnych vydańniach.
Raźvitańnie ź Fiodaram Čarniaŭskim adbudziecca zaŭtra, 30 kastryčnika, u krematoryi na Paŭnočnych mohiłkach, pačatak u 11.00.