18 kastryčnika pajšoŭ z žyćcia navapołacki mastak, akvarelist, siabra Biełaruskaha sajuza mastakoŭ, hanarovy hramadzianin Navapołacka Viktar Łukjanaŭ. Heta mastak, jaki stvaraŭ vizualnaje abličča Navapołacka, paviedamlaje radyjo «Racyja». Jamu było 84 hady.
Viktar Łukjanaŭ naradziŭsia 27 lutaha 1940 hoda ŭ vioscy Ułasava Viciebskaha rajona.
Užo studentam mastacka-hrafičnaha fakulteta Viciebskaha dziaržaŭnaha piedahahičnaha instytuta jon aktyŭna braŭ udzieł u vystavach i surjozna zachapiŭsia akvarellu. Mienavita akvarel jon nazyvaŭ svajoj ulubionaj technikaj, jakoj vałodaŭ virtuozna.
U 1970-ja hady Viktara Łukjanava zaprasili pryjechać u horad Navapołack, jaki aktyŭna zabudoŭvaŭsia, i zaniać tam pasadu hałoŭnaha mastaka. U toj čas u horadzie mastaki i architektary pracavali razam. Viktar Michajłavič šmat pracavaŭ nad afarmleńniem hramadskich budynkaŭ. Im i jaho kalehami vykananyja vitražy ŭ paliklinicy № 1, pano ŭ kinateatry «Minsk», mazaiki na fasadach dziciačych sadkoŭ i mnohaje inšaje.
U 1998 hodzie Viktaru Michajłaviču było prysvojena zvańnie Hanarovaha hramadzianina horada Navapołacka.
Na rachunku majstra dziasiatki manumientalnych rabot u interjerach i eksterjerach hramadskich budynkaŭ. Akvarelnyja raboty Viktara Łukjanava zachoŭvajucca ŭ mastackich muziejach, halerejach i pryvatnych kalekcyjach Biełarusi, Rasii, Polščy, Japonii, ZŠA, Italii, Hiermanii, Šviecyi, Izraila.
Ciapier čytajuć
Dziejačy emihracyi pasvarylisia z nahody śpisaŭ zaprošanych na pryjom da prezidenta Polščy48
Dziejačy emihracyi pasvarylisia z nahody śpisaŭ zaprošanych na pryjom da prezidenta Polščy
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1414
Kamientary