U Biełaruś prybyła čarhovaja batareja rasijskich ZRK «Tor-M2»
Čarhovaja batareja rasijskich zienitnych rakietnych kompleksaŭ «Tor-M2» prybyła ŭ Biełaruś. Pra heta paviedamiła pres-słužba Minabarony Biełarusi.
Fota: Minabarony
Jak zajaviŭ načalnik upraŭleńnia zienitnych rakietnych vojskaŭ kamandavańnia VPS i vojskaŭ SPA Uzbrojenych sił pałkoŭnik Andrej Sieviarynčyk, admietnymi asablivaściami zienitnaha rakietnaha kompleksu «Tor-M2» źjaŭlajecca jaho «vysokaja mabilnaść, mały čas reakcyi, efiektyŭnaja stralba pa šyrokim kłasie celaŭ, a taksama aŭtamatyzacyja bajavoj raboty».
Kompleksy, jakija pastupili hetym razam, dapracavanyja rasijskimi kanstruktarami «z ulikam vopytu ich prymianieńnia ŭ SVA».
Zienitny rakietny kompleks «Tor-M2» zabiaśpiečvaje efiektyŭnuju supraćpavietranuju abaronu pryznačanych abjektaŭ. Kompleks zdolny vykonvać bajavyja zadačy ŭ lubych klimatyčnych umovach.
Batareja ZRK «Tor-M2» zdolnaja adnačasova parazić 16 celaŭ, jakija dziejničajuć ź lubych napramkaŭ z chutkaściu da 730 m/s, na dalokaści da 12 km i vyšyni da 10 km i dniom, i nočču, u lubych umovach nadvorja.
Čytajcie taksama:
U Mahilovie buduć adbivać «napad» na vajenkamat
U vieraśni 2025-ha ŭ Biełarusi projduć sumiesnyja vučeńni ADKB
Sumiesnyja biełaruska-rasijskija vučeńni projduć u vieraśni nastupnaha hoda