Palitviaźnia Tołčyna, jaki vyjšaŭ pa pamiłavańni, zatrymali pa administracyjnaj spravie
Učora adbyŭsia sud nad byłym palitźniavolenym žurnalistam Andrejem Tołčynym.
Andrej Tołčyn. Fota: Radyjo Svaboda
Pracesam, jaki adbyvaŭsia ŭ sudzie Savieckaha rajona Homiela, kiravaŭ sudździa Mocharaŭ, piša «Homielskaja viasna».
Pravaabaroncam pakul nieviadomy dakładny vyrak sudu, ale, chutčej za ŭsio, Andrej Tołčyn znachodzicca pad aryštam pa č. 2 art. 19.11 (raspaŭsiud ekstremisckaj pradukcyi).
Byłoha homielskaha žurnalista Andreja Tołčyna zatrymali hod tamu, 27 vieraśnia 2023 hoda. Jaho abvinavacili pavodle artykuła 361-1 Kryminalnaha kodeksa (stvareńnie ekstremisckaha farmavańnia albo ŭdzieł u im), a taksama pavodle art 367 č. 2 (paklop u dačynieńni da Łukašenki) i artykuła 369 prym. 1 (dyskredytacyja Biełarusi) i ŭ sakaviku 2024 hoda pakarali 2 hadami i 6 miesiacami kałonii. Pakarańnie adbyvaŭ u mahiloŭskaj kałonii. U vieraśni hetaha hoda jon vyjšaŭ pa pamiłavańni.