Novy kiraŭnik MUS Litvy raskazaŭ, ci treba zakryvać reštu punktaŭ propusku na miažy ź Biełaruśsiu
Novy ministr unutranych spraŭ Litvy Uładzisłaŭ Kandratovič raskazaŭ teleradyjokampanii LRT, ci płanuje Vilnia zakryvać apošnija dva punkty propusku, jakija pracujuć na miažy ź Biełaruśsiu: «Kamienny Łoh» — «Miedniki» i «Bieniakoni» — «Salečniki».
Uładzisłaŭ Kandratovič. Skrynšot ź videa
«Abmierkavańnie [zakryćcia punktaŭ propusku] nieabchodnaje. Viadoma, heta adkaznaść Ministerstva zamiežnych spraŭ, ale treba razumieć, što toje, što zastałosia, — heta i mižnarodnyja abaviazacielstvy», — skazaŭ Uładzisłaŭ Kandratovič.
Jon rastłumačyŭ, što pa «peŭnych kalidorach» pieravozki iduć nie tolki ŭ Biełaruś i Rasiju, «ale i dalej». «Napeŭna, my nie možam začynicca», — pracytavała Kandratoviča LRT.
Pry hetym ministr miarkuje, što kantrol na pamiežnych punktach «pavinien być uzmocnieny […] jak z-za parušeńnia sankcyj, tak i z-za mahčymaha, skažam tak, ujezdu niepažadanych asob u Šenhien», — skazaŭ jon.
«My pahavorym z kamandzirami [punktaŭ propusku], pahladzim, jakaja situacyja, ale ja miarkuju, što zakryvać [ich] na hety momant zusim niama nieabchodnaści», — dadaŭ kiraŭnik litoŭskaha MUS.
Čytajcie taksama:
Novym ministram unutranych spraŭ Litvy moža stać čałaviek, jaki vałodaje biełaruskaj movaj
Sa śniežnia dla fur na biełaruska-litoŭskaj miažy ŭviali abaviazkovuju rehistracyju