Litvy adnaviła afarmleńnie hruzavych transpartnych srodkaŭ u punktach propusku «Miadzininkaj» (sumiežny ź biełaruskim — «Kamienny Łoh») i «Šalčyninkaj» («Bieniakoni»), paviedamlaje Dziaržaŭny pamiežny kamitet.
Pavodle biełaruskich pamiežnikaŭ, litoŭski bok prymaje transpart pavolna — z 19:00 z punkta propusku «Bieniakoni» ŭ Litvu prajšło 4 hruzaviki, na ŭjezd u Biełaruś pa stanie na 21:45 ruchu jašče nie było. Z punkta propusku «Kamienny Łoh» u Litvu prajšło 10 aŭto, u zvarotnym kirunku — 19.
Siońnia ŭ abied stała viadoma, što Litva pierastała prapuskać hruzaviki praź miažu ź Biełaruśsiu. Pryčyny spynieńnia afarmleńnia hruzavikoŭ nie nazyvalisia.
Kamientary