Viadomy homielski siłavik sudzicca z UUS i MUS

Viktar Jaŭstafjeŭ pracavaŭ načalnikam adździeła ŭpraŭleńnia pa baraćbie z ekanamičnymi złačynstvami i časta vystupaŭ u ŚMI, piša «Fłahštok».

Viktar Jaŭstafjeŭ (sprava). Fota: USK pa Homielskaj vobłaści

Pazoŭ Jaŭstafjeva da UUS Homielskaha abłvykankama i MUS Biełarusi razhledzić 12 śniežnia Homielski abłasny sud.

Milicyjanier sudzicca z načalstvam praz słužbovuju pravierku. U raskładzie suda pradmiet sprečki paznačany tak: «skarha na rašeńnie načalnika UUS ab pryciahnieńni da dyscyplinarnaj adkaznaści, nakiravańni na pazačarhovuju atestacyju, admienie zahadaŭ načalnika UUS ad 01.08.2024, 08.08.2024 u častcy prymianieńnia dyscyplinarnych spahnańniaŭ, pryznańni charaktarystyki nieabjektyŭnaj, na zaklučeńnie słužbovaj pravierki Ministerstva ŭnutranych spraŭ Biełarusi».

Načalnikam UUS Homielskaha abłvykankama źjaŭlajecca hienierał-major Alaksandr Šastajła.

Jaŭstafjeŭ nie raz vystupaŭ u dziaržaŭnaj presie, raskazvajučy pra pośpiechi ŭ raskryćci ekanamičnych złačynstvaŭ. Naprykład, u 2023 hodzie vyjavili afioru z kradziažom 470 ton armatury na sumu bolš za miljon rubloŭ, a ŭ Buda-Kašaloŭskim rajonie vyličyli hałoŭnaha buchhałtara, jakaja vykrała bolš za paŭmiljona rubloŭ.

Tady Jaŭstafjeva pradstaŭlali jak načalnika 3-ha adździeła ŭpraŭleńnia pa baraćbie z ekanamičnymi złačynstvami UUS Homielskaha abłvykankama. Da hetaha jon byŭ načalnikam 2-ha adździeła taho ž upraŭleńnia.

Pazoŭ Jaŭstafjeva ŭžo raźbirali ŭ sudzie Centralnaha rajona Homiela, a ciapier apielacyju na jaho rašeńnie razhledzić abłasny sud.

Kamientary da artykuła