Na pažary ŭ Babrujsku paciarpieli małyja dzieci
Pavodle infarmacyi MNS, u piatnicu ŭviečary (u 22:14) pastupiła paviedamleńnie ab pažary ŭ kvatery na vulicy Uljanaŭskaj u Babrujsku.
Skrynšot ź videa
Ratavalniki vyjavili dym na vośmym paviersie budynka. U harełaj kvatery nikoha nie było. U vyniku ahniom paškodžanaja majomaść u piarednim pakoi, zakuranyja ścieny i stol u kvatery.
Paśla ahladu bryhadaj chutkaj miedycynskaj dapamohi z kvater na 10 i 11 pavierchach byli špitalizavanyja čaćviora dziaciej: troje vaśmihadovych chłopčykaŭ i dziesiacihadovaja dziaŭčynka z dyjahnazam «atručeńnie praduktami hareńnia».
Pavodle papiaredniaj viersii, pryčynaj pažaru stała karotkaje zamykańnie śviacilnika na stoli.
Stan paciarpiełych dziaciej zdavalniajučy.