Hałoŭčanka: VNU pavinny pierahledzieć palityku padrychtoŭki kadraŭ inžyniernaha profilu

VNU pavinny pierahledzieć palityku padrychtoŭki kadraŭ inžyniernaha profilu. Pra heta zajaviŭ premjer-ministr Raman Hałoŭčanka na naradzie pa pytańniach jakaści padrychtoŭki inžyniernych kadraŭ, jakaja prajšła siońnia ŭ BNTU, piša BiełTA.

«My stavim sabie zadaču paskoranaha ekanamičnaha raźvićcia, u tym liku apieratyŭnaha asvajeńnia novych technałohij. Heta niemahčyma biez padrychtavanych i matyvavanych śpiecyjalistaŭ. Jość kapitał finansavy, ale jon ničoha nie varty biez čałaviečaha kapitału. Adbyvajecca źmiena technałahičnych układaŭ. Tamu nam ciapier para dumać nie tolki ab pieraasnaščeńni i madernizacyi, ale i ab paskoranym raźvićci šerahu kirunkaŭ. Viadoma ž, zrabić heta biez padrychtavanych inžyniernych kadraŭ niemahčyma.

Što asabliva važna, my pavinny adsočvać i svoječasova reahavać na źmieny ŭ zapytach samich maładych ludziej. U ich značna chutčej raźvivajecca popyt na samastojnuju tvorčaść, na aktyŭnaje vykarystańnie dystancyjnych mietadaŭ navučańnia. Naša sistema padrychtoŭki kadraŭ pavinna adsočvać hetyja tendencyi i paśpiavać za imi, kab nie razarvać suviaź pamiž zapytami našych maładych ludziej i tym, što my prapanujem», — skazaŭ Raman Hałoŭčanka.

Kamientary da artykuła