Ciažarnuju minčanku zatrymali na miažy pry viartańni ź Litvy za abrazu Kubrakova
Kanał siłavikoŭ pachvaliŭsia zatrymańniem ciažarnaj 31-hadovaj žančyny. Jaje ŭziali pry viartańni ź Litvy ŭ Biełaruś. Vinavaciać u abrazie ministra ŭnutranych spraŭ Ivana Kubrakova.
Pavodle siłavikoŭ, žančyna ŭ 2020-m pakinuła abraźlivyja kamientary ŭ adras ministra ŭnutranych spraŭ Ivana Kubrakova. Kab paźbiehnuć pieraśledu, śćviardžajuć siłaviki, jana źjechała ŭ Litvu.
Za miažoj žančyna zaciažaryła i vyrašyła viartacca na radzimu. Pa viersii siłavikoŭ, «bo mienavita ŭ Biełarusi akazvajecca vialikaja dziaržaŭnaja padtrymka i vypłačvajecca vialikaja dapamoha pa ciažarnaści i rodach».
Jak tolki žančyna pierasiekła miažu, jana była zatrymanaja, spravazdačacca milicyjanty.
Što ź joju ciapier, nieviadoma. Siłaviki apublikavali zabluranaje fota, na jakim žančyna ź vialikim žyvatom staić kala ściany.