Praz sankcyi biełaruskija pivavary nie mohuć vypuskać blašankavaje piva ŭ pintach

Kampanija «Lidskaje piva» źmianiła farmat blašanki dla adnaho sa svaich praduktaŭ. Ciapier taru patrebnaha abjomu nielha impartavać praz sankcyi, i z-za hetaha biełaruskija pivavary nie mohuć vypuskać piva ŭ pintach, piša Office Life.

Fota: lidskae.by

Havorka idzie pra brend piva Koronet Lager, jakoje raniej vypuskali ŭ bankach 0,568 litra (h. zn. u pintach). Ciapier abjom upakoŭki składaje 0,45 litra, a na blašancy źjaviŭsia nadpis «4/5 pinty».

«Takaja źmiena vyklikanaja vymušanymi abstavinami, — raskazali Office Life u kampanii. — U suviazi z sankcyjami, uviedzienymi ŭ dačynieńni da Biełarusi, pradpryjemstva sutyknułasia ź ciažkaściami ŭ pastaŭkach blašanak abjomam 0,568 litra ad zachodniejeŭrapiejskich pastaŭščykoŭ».

U «Lidskim pivie» adznačajuć, što ŭvažliva manitorać situacyju i pry pieršaj ža mahčymaści viernuć farmat piva ŭ pintach. Pry hetym piva ŭ šklanych butelkach z takim ža abjomam vypuskajecca hetak ža sama, jak i raniej.

Pavodle ŭnutranych danych kampanii, najbolš upadabanym farmatam u spažyŭcoŭ Koronet Lager źjaŭlajecca jakraz blašanka, jakaja zajmaje 36% prodažaŭ u adzinkach.

Kamientary da artykuła