Ci možna pić biezałkaholnaje piva štodzień i kolki

Praces vytvorčaści biezałkaholnaha piva moža varjiravacca ŭ zaležnaści ad technałohii i typu piva. U vyniku ŭtrymańnie ałkaholu ŭ im moža składać ad 0,1 da 0,5%. U apošnim vypadku heta ekvivalentna adnoj čajnaj łyžcy harełki na paŭlitra napoju.

U čym karyść

Śpiecyjalisty adznačajuć, što ŭ biezałkaholnym pivie źmiaščajucca antyaksidanty, jakija abaraniajuć kletki ad paškodžańnia aktyŭnymi formami kisłarodu, i vitaminy hrupy B, jakija adkazvajuć za vypracoŭku enierhii ŭ našym ciele i mietabalizm.

Pry hetym biezałkaholnaje piva amal u paŭtara raza mienš kałaryjnaje, čym zvyčajnaje.

Vyniki niekatorych daśledavańniaŭ pakazali, što ŭžyvańnie biezałkaholnaha piva źnižaje ŭzrovień chalesterynu i praduchilaje raźvićcio sardečna-sasudzistych zachvorvańniaŭ.

Jak śćviardžajuć vučonyja, užyvańnie biezałkaholnaha piva dapamahaje padtrymlivać uzrovień elektralitaŭ paśla intensiŭnych spartyŭnych trenirovak.

Jano daje arhanizmu vadu, polifienoły i vuhlavody, što razam dapamahaje adnaŭleńniu mietabalizmu.

Pa słovach śpiecyjalistaŭ, dla hidratacyi arhanizmu biezałkaholnym pivam možna zamianić zvyčajnuju vadu i pić jaho dla nataleńnia smahi. Ale treba pamiatać pra nastupstvy takoj zamieny dla zdaroŭja.

Škoda biezałkaholnaha piva

Daktary papiaredžvajuć, što spažyvańnie biezałkaholnaha piva, z adnaho boku, źnižaje ciažkaść chvarobaŭ, źviazanych z złoŭžyvańniem ałkaholu, ale ŭ toj ža čas hety napoj moža ŭjaŭlać ryzyku dla ludziej, jakija prachodziać lačeńnie rasstrojstvaŭ, źviazanych z užyvańniem ałkaholu.

Vyniki daśledavańnia hrupy amierykanskich vučonych pakazali, što adnaho pachu piva moža być dastatkova, kab vyklikać recydyŭ u niekatorych ludziej, jakija pakutujuć na ałkaholnyja rasstrojstvy.

Daktary źviartajuć uvahu, što biezałkaholnaje piva ŭ vialikich dozach niasie ŭsie tyja ž niepryjemnyja dla samaadčuvańnia nastupstvy, što i zvyčajnaje.

Utrymańnie ŭ im, jak i ŭ zvyčajnym pivie, fitaestrahienaŭ moža pryvieści da źnižeńnia ŭ mužčyn vypracoŭki testasteronu (z-za čaho pačynaje raści tak zvany piŭny žyvot), a ŭ žančyn vyklikać jaho rost, u vyniku čaho adbyvajecca harmanalny zboj.

Šmat jakija sarty biezałkaholnaha piva ŭtrymoŭvajuć vysoki ŭzrovień cukru, što moža pryvieści da šerahu zachvorvańniaŭ, u tym liku atłuścieńnia, dyjabietu i karyjesu.

Navat nievialikaja dola ałkaholu ŭ biezałkaholnym pivie moža vyklikać u chvorych pankreatytam razdražnieńnie zapalenaj padstraŭnikavaj załozy, a chmiel, jaki źmiaščajecca ŭ napoi, moža pryvieści da mikraspazmaŭ arteryj i sasudaŭ u chvorych na prastatyt i tych, chto pakutuje na hiemaroj.

Varta taksama viedać, što droždžy, jakija ŭtrymlivajucca ŭ biezałkaholnym pivie, vyklikajuć razdražnieńnie ślizistaj abałonki straŭnika, što moža pryvieści da jazvaŭ.

U chvorych cystytam hety napoj moža vyklikać razdražnieńnie mačavoha puzyru.

Varta taksama pamiatać, što navat niaznačnaje ŭtrymańnie ałkaholu ŭ biezałkaholnym pivie ŭjaŭlaje ryzyku dla ciažarnych.

Biezałkaholnaje piva i kiravańnie aŭtamabilem

Jak my pisali, ekśpierymient, jaki praviała milicyja ŭ Hrodnie, pakazaŭ, što ałkatestar nie vyznačyŭ najaŭnaści ałkaholu adrazu paśla ŭžyvańnia hetaha napoju, u adroźnieńni, naprykład, ad kvasu.

• 15
• 2
• 3
• 0
• 4
• 3
• 0
• 0