Izrail prapanavaŭ pieradać Ukrainie rasijskuju zbroju, zachoplenuju ŭ «Chiezbały» ŭ Livanie
Izrail prapanavaŭ pieradać Ukrainie rasijskaje ŭzbrajeńnie, zachoplenaje Armijaj abarony Izraila (CACHAŁ) u Livanie ci kanfiskavanaje ŭ praciŭnikaŭ Izraila ŭ inšych miescach. Pra heta paviedamiła pasolstva Ukrainy ŭ Izraili na svajoj aficyjnaj staroncy ŭ fejsbuku.
Zbroja, zachoplenaja Izrailem u «Chiezbały»
«21 studzienia adbyłasia sustreča pasła Ukrainy ŭ Dziaržavie Izrail Jaŭhiena Karnijčuka z namieśnikam ministra zamiežnych spraŭ Izraila Šaren Chaskiel. Padčas sustrečy pasoł vykazaŭ padziaku za prapanovu pieradać Ukrainie zbroju rasijskaj vytvorčaści, zachoplenuju CACHAŁam», — havorycca ŭ apublikavanym paviedamleńni.
Raniej takaja prapanova była ŭniesienaja ŭ izrailski Kniesiet. U pasolstvie Ukrainy vykazali nadzieju, što jana atrymaje stanoŭčaje vyrašeńnie.
Na sustrečy abmiarkoŭvałasia taksama supracoŭnictva pamiž Iranam i Rasijaj u vajskovaj śfiery, jakoje ŭjaŭlaje pahrozu dla nacyjanalnaj biaśpieki Ukrainy i Izraila.
Uvosień 2024 hoda izrailskija suchaputnyja vojski vyjavili padziemnuju bazu hrupoŭki «Chiezbała» na poŭdni Livana. Hety abjekt vykarystoŭvaŭsia jak kamandny centr elitnaha padraździaleńnia «Radvan» i słužyŭ miescam zachoŭvańnia roznych vidaŭ zbroi, uklučajučy rasijskuju. Siarod vyjaŭlenych uzbrajeńniaŭ byli rakiety, minamiotnyja snarady, aŭtamaty Kałašnikava, bojeprypasy, broniekamizelki i inšy ryštunak.
Čytajcie taksama:
Ukraina zajaviła ab stvareńni łaziernaj zbroi «Tryzub». Što heta moža być?
Krach režymu za 11 dzion. Čamu armija Asada tak chutka razvaliłasia?