U padziemnym schoviščy «Chiezbały» na poŭdni Livana znajšli rasijskuju zbroju
Izrailskija suchaputnyja vojski vyjavili padziemnuju bazu hrupoŭki «Chiezbała» na poŭdni Livana. Abjekt vykarystoŭvaŭsia jak kamandny centr elitnaha padraździaleńnia «Radvan» i słužyŭ miescam zachoŭvańnia zbroi i bojeprypasaŭ, u tym liku rasijskaj vytvorčaści, paviedamiŭ žurnalist Bild Paŭl Rancchajmier, jaki razam z vajskoŭcami Izraila pabyvaŭ na bazie.
Padčas vizitu reparciora supravadžaŭ kontr-admirał Daniel Chahary, kiraŭnik pres-słužby Armii abarony Izraila (CACHAŁ). Chahary adznačyŭ, što ŭ vioscy, dzie raźmiaščajecca padziemny abjekt, bajeviki «Chiezbały» rychtavali maštabny napad na Izrail, jaki moh by pierasiahnuć uzrovień ataki 7 kastryčnika 2023 hoda.
Padziemny kompleks uklučaje ŭ siabie sistemu tunelaŭ, dziakujučy jakim bajeviki «Radvana» mahli apieratyŭna praniknuć na terytoryju Izraila pieššu abo na matacykłach. Pa słovach kiraŭnika pres-słužby CACHAŁ, zbudavańni byli stvoranyja z kudy bolšym majsterstvam, čym tuneli, jakija vykarystoŭvajucca CHAMAS u siektary Haza. Na stvareńnie hetych umacavańniaŭ, na jaho dumku, spatrebilisia hady.
Bunkiery znachodziacca na hłybini kala 8 mietraŭ, jany zabiaśpiečanyja stalovymi pieraharodkami i dźviaryma, a ŭvachody ŭ ich raźmieščanyja ŭ žyłych damach.
Izrailskija vajskoŭcy vyjavili ŭ hetych tunelach vialikuju kolkaść uzbrajeńnia: rakiety, minamiotnyja snarady, aŭtamaty Kałašnikava, bojeprypasy, broniekamizelki i inšaje abstalavańnie.
Roncchajmier adznačyŭ, što heta samy sučasny padziemny bunkier z punktu hledžańnia jakaści kanstrukcyi i pamieru pamiaškańniaŭ, jaki jon kali-niebudź bačyŭ. Žurnalist taksama paviedamiŭ, što za niekalki dzion da hetaha ŭ susiedniaj vioscy jon bačyŭ rakiety, dastaŭlenyja ŭ Livan ź Irana praź Siryju.
«Iranskaja i rasijskaja zbroja», — padkreśliŭ jon.
Izrail hatovy atakavać vajskovyja abjekty Irana
Izrail zaklikaŭ AAN terminova prybrać ź Livana svaich miratvorcaŭ «dziela ich ža biaśpieki». Tam słužać i biełarusy
Ministr abarony Izraila paabiacaŭ, što ataka na Iran budzie «śmiarotnaj, dakładnaj i niečakanaj»
Premjer Izraila paviedamiŭ pra zabojstva «pierajemnika pierajemnika» Chasana Nasrały
«Masad» płanavaŭ padryŭ pejdžaraŭ «Chiezbały» z 2015 hoda
Ciapier čytajuć
«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad8
«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary
Nietańjahu zusim nie naiŭny, usio jamu viadoma, tym nia mienš, jon sprabavaŭ źviarnucca da Pucina pa dapamohu ŭ vyzvaleńni zakładnikaŭ. Jon napeŭna spadziavaŭsia, što ŭ taho ŭ dušy mahło zastacca krychu ludzkaści. Marna.