Mazyrskaha pravaabaroncu Cielepuna pakarali maksimalnymi 15 sutkami
Pra zatrymańnie viadomaha ŭ Mazyry hramadskaha dziejača Uładzimira Cielepuna stała viadoma 16 studzienia.
16 studzienia «Homielskaja Viasna» paviedamiła, što napiaredadni Cielapun płanavaŭ iści na pryjom da sudździ Kanstytucyjnaha suda ŭ mazyrskim vykankamie. Ale na sustrečy jon tak i nie źjaviŭsia i na suviaź uviečary nie vychodziŭ.
Ciapier «Fłahštok» daviedaŭsia, što sud nad pravaabaroncam adbyŭsia jašče 15 studzienia, adrazu paśla zatrymańnia. Sudzili mužčynu pa artykule «raspaŭsiud ekstremizmu», i prysudzili jamu maksimalnaje pa im pakarańnie — 15 sutak aryštu.
Vierahodna, ułady takim čynam na ŭsialaki vypadak nie zachacieli dapuskać pravaabaroncu da ŭdziełu ŭ vybarčaj kampanii. Siońnia Uładzimir Cielapun sustrakaje za kratami svoj 73-ci dzień naradžeńnia.
Uładzimir Cielapun — likvidatar avaryi na Čarnobylskaj AES i mazyrski pravaabaronca, jaki nieadnarazova spaznavaŭ pieraśled z boku siłavikoŭ.
Čytajcie taksama:
Pa palityčnych artykułach buduć sudzić pradprymalnika ź Pietrykava
Palitviaźniu, zatrymanamu paśla viartańnia z-za miažy, uzmocniać pakarańnie